मुंबईत अनधिकृत फेरीवाल्यांचा अधिकाऱ्यांवर हल्ला!

Hawkers attack officials in Mumbai मुंबईच्या कांदिवली परिसरात शुक्रवारी संध्याकाळी महापालिकेच्या कर्मचारी आणि अधिकाऱ्यांवर अनधिकृत फेरीवाल्यांच्या मोठ्या जमावाने धडक मारण्याची घटना घडली. लोखंडवाला कॉम्प्लेक्स परिसरात महापालिकेच्या कर्मचाऱ्यांनी अनधिकृत फेरीवाल्यांवर कारवाई करण्यासाठी गेले असताना जमलेल्या प्रचंड जमावाने त्यांच्यावर हल्ला केला. या हल्ल्यात काही कर्मचारी जखमी झाले असून पोलिसांनी तत्काळ घटनास्थळी हस्तक्षेप करून १२ ते १३ जणांविरुद्ध गुन्हा दाखल केला आणि चार ते पाच जणांना ताब्यात घेतले आहे.

 

 

यासंदर्भात भाजपचे स्थानिक आमदार अतुल भातखळकर यांनी गंभीर आरोप केले. त्यांनी सांगितले की, हल्लेखोरांमध्ये मुस्लिम आणि बांगलादेशी लोकांचा समावेश आहे. त्यांनी महापालिकेच्या अधिकाऱ्यांवर हा हल्ला खपवून घेतला जाणार नाही, आणि या प्रकरणावर कठोर कारवाई केली जाईल असे स्पष्ट केले. आमदार भातखळकर यांनी हा मुद्दा विधानसभेत सुद्धा मांडला असून सोमवारी पुन्हा यावर चर्चा होणार आहे. महापालिकेच्या अधिकाऱ्यांवर झालेल्या हल्ल्यामुळे नागरिकांमध्ये भीतीचे वातावरण निर्माण झाले आहे. प्रशासनाने घटनास्थळी सुरक्षा वाढवली असून अनधिकृत फेरीवाल्यांविरुद्ध कारवाई सुरू ठेवली आहे. यामुळे मुंबईत फेरीवाल्यांच्या कारवाईसंदर्भात चर्चेला वेग मिळाला आहे आणि भविष्यात अशा घटनांवर त्वरित प्रतिबंध घालण्याची गरज असल्याचे स्पष्ट झाले आहे.