अभिनेत्रीच्या वादग्रस्त वक्तव्यामुळे उडाली खळबळ

Mandana Karimi अमेरिका, इस्रायल आणि इराण यांच्यात वाढत चाललेल्या तणावाच्या पार्श्वभूमीवर सोशल मीडियावर विविध चर्चा रंगताना दिसत आहेत. दरम्यान, इराणचे सर्वोच्च नेते Ali Khamenei यांच्या मृत्यूच्या वृत्तांनंतर अनेक देशांमध्ये प्रतिक्रिया उमटल्या आहेत. काही ठिकाणी शिया मुस्लिमांनी शोक व्यक्त करत निदर्शने केली, तर काही लोकांनी त्यांच्या निधनाबद्दल वेगळ्या भावना व्यक्त केल्याचेही दिसून आले. या पार्श्वभूमीवर अभिनेत्री Mandana Karimi हिने सोशल मीडियावर मांडलेले मत सध्या चर्चेत आले आहे.

 

 

अर्धी भारतीय आणि अर्धी इराणी असलेल्या मंदाना करिमी हिने अलीकडेच एका वृत्तवाहिनीला दिलेल्या मुलाखतीत इराणमधील परिस्थितीबद्दल स्पष्ट भूमिका मांडली. संभाषणादरम्यान तिने सांगितले की, अली खामेनेई यांच्या अनेक निर्णयांमुळे इराणमधील महिलांना दीर्घकाळ त्रास सहन करावा लागला. त्यामुळे त्यांच्या मृत्यूच्या वृत्तांनंतर काही इराणी महिलांना दिलासा मिळाल्याची भावना व्यक्त होत असल्याचे तिने नमूद केले. “त्यांच्या मृत्यूने अनेक लोक आनंदी आहेत, विशेषतः इराणी महिला,” असे ती म्हणाली.

 

 

इराणमधील परिस्थितीबद्दल Mandana Karimi बोलताना मंदाना करिमी पुढे म्हणाली की, अनेक वर्षांपासून लागू असलेल्या कठोर नियमांमुळे आणि निर्णयांमुळे अनेक नागरिक, विशेषतः महिलांना अडचणींना सामोरे जावे लागले. “आमच्या लोकांविरुद्ध घेतलेल्या मोठ्या निर्णयांमागे त्यांचा प्रभाव होता. मी त्यांच्या बद्दल जास्त बोलू इच्छित नाही, पण अनेकांनी कठीण परिस्थिती अनुभवली आहे,” असेही तिने स्पष्ट केले.तिने पुढे इराणमधील तुरुंगातील परिस्थितीचाही उल्लेख केला. तिच्या मते, अनेक महिलांना महिनोनमहिने किंवा वर्षानुवर्षे कठोर वागणूक सहन करावी लागली आहे. भीती आणि दबावाच्या वातावरणात अनेकांनी आयुष्य घालवले असल्यामुळे काही लोक त्यांच्या मृत्यूच्या वृत्तांवर वेगळ्या प्रतिक्रिया देत असल्याचे ती म्हणाली.दरम्यान, या घडामोडींनंतर इराणमधील सत्तेच्या पुढील नेतृत्वाबाबतही चर्चा सुरू झाली आहे. वृत्तांनुसार, अली खामेनेई यांचे पुत्र Mojtaba Khamenei यांचे नाव पुढील सर्वोच्च नेता म्हणून चर्चेत आले आहे. या संपूर्ण प्रकरणामुळे Iran मधील राजकीय परिस्थिती आणि आंतरराष्ट्रीय स्तरावरील घडामोडींवर जगभराचे लक्ष लागले आहे.