अनुराग डोभाल ICU मध्ये दाखल

Anurag Dobhal suicide attempt लोकप्रिय युट्यूबर आणि ‘बिग बॉस 17’ मध्ये सहभागी राहणारे अनु‍राग डोभाल, ज्यांना सोशल मीडियावर “UK07 Rider” म्हणूनही ओळखले जाते, यांनी शनिवारी रात्री त्यांच्या इंस्टाग्राम लाईव्ह दरम्यान धक्कादायक घटना अनुभवली. अनु‍रागने लाईव्हमध्ये गाडी वेगाने चालवत असताना अचानक ती डिव्हायडरला धडकली, ज्यामुळे लाईव्ह अचानक थांबला आणि त्यांना गंभीर जखमा झाल्या.

 

 

 

 

घटनेच्या वेळी अनु‍राग भावनिक आणि तणावाखाली दिसले. त्यांनी लाईव्हमध्ये “ही शेवटची राइड” असल्याचे सांगितले आणि अंदाजे 150 किमी प्रती तास वेगाने वाहन चालवले. अचानक लाईव्ह संपल्यामुळे त्यांच्या चाहत्यांमध्ये भीती पसरली आणि अनेकांनी त्यांच्या सुरक्षिततेबद्दल चिंता व्यक्त केली.प्राथमिक उपचारांनंतर अनु‍रागला तातडीने रुग्णालयात दाखल करण्यात आले. त्यांच्या व्यवस्थापक रोहित पांडे यांनी त्यांच्या इंस्टाग्राम स्टोरीवर अधिकृत माहिती दिली. त्यांनी सांगितले की अनु‍रागला दुसऱ्या रुग्णालयात हलवण्यात आले असून सध्या ते आयसीयूमध्ये उपचार घेत आहेत. रोहित पांडे यांनी चाहत्यांना प्रार्थना करण्याचे आवाहन केले आणि डॉक्टर व उपचार करणाऱ्या सर्व कर्मचार्‍यांशी संपर्कात असल्याचे सांगितले. त्यांनी या कठीण वेळेत पाठिंबा देणाऱ्या सर्व चाहत्यांचे आभारही मानले.घटनेपूर्वी अनु‍रागने त्यांच्या वैयक्तिक आयुष्यातील तणावाबद्दल सोशल मीडियावर काही भावनिक पोस्ट शेअर केल्या होत्या. कुटुंबासोबतच्या वादामुळे, विशेषतः त्यांच्या आंतरजातीय लग्नानंतर निर्माण झालेल्या मतभेदांमुळे ते मानसिक तणावाखाली होते, असे त्यांनी सांगितले. या मानसिक तणावामुळे त्यांचे आरोग्य प्रभावित झाले आणि त्यांनी काही तासांपूर्वी चाहत्यांना आपले अंतर्गत संघर्ष उलगडले होते.