नग्न फोटो, सडके टोमॅटो आणि काळे मणी!

witchcraft-parcel-case : बंगळूरु विमानतळावर एक विचित्र 'जादूटोणा' पार्सल पाठवल्याप्रकरणी पोलिसांनी ६५ वर्षीय डच नागरिक सुभाष हाजीझ याला अटक केली आहे. या पार्सलमध्ये सडलेले टोमॅटो, खराब झालेल्या माळा, लोखंडाचे तुकडे आणि नग्न छायाचित्रे होती, ज्यामुळे खळबळ उडाली होती.

 

 

 

 

 

मिळालेल्या माहितीनुसार, हे पार्सल जानेवारी २०२६ मध्ये केम्पेगौडा आंतरराष्ट्रीय विमानतळाच्या कार्यालयात पाठवण्यात आले होते. जेव्हा अधिकाऱ्यांनी ते उघडले, तेव्हा त्यांना आतमध्ये सडलेल्या वस्तू आणि विचित्र वस्तू आढळल्या, ज्यामुळे हे प्रकरण संशयास्पद बनले.

 

चौकशीदरम्यान, आरोपी सुभाष हाजीझ याने आपला कोणताही वाईट हेतू नसल्याचे सांगितले. विमानतळावरील अपघात टाळण्यासाठी हा एक विधी होता, असा दावा त्याने केला. त्याने इतर विमानतळांवरही अशीच पार्सल पाठवल्याचा उल्लेख केला.

 

सीसीटीव्हीच्या आधारे आरोपीची ओळख पटवून त्याला अटक करण्यात आली. काळी जादू कायद्याअंतर्गत गुन्हा दाखल करण्यात आला असून, त्याच्या मानसिक आरोग्याचीही तपासणी केली जात आहे.