IPL 2026 दरम्यान ब्रॉडकास्ट इंजिनिअरच्या मृत्यूवर BCCI चे निवेदन जारी

IPL 2026 : आयपीएल २०२६ च्या उत्साहाच्या वातावरणातच, एका दुःखद बातमीने क्रिकेट जगताला हादरवून सोडले आहे. मुंबईत आयपीएलशी संबंधित एका परदेशी प्रसारण अभियंत्याचा संशयास्पद परिस्थितीत मृत्यू झाला असून, या घटनेमुळे संपूर्ण स्पर्धेत खळबळ उडाली आहे. पोलिसांनी दिलेल्या माहितीनुसार, ७६ वर्षीय ब्रिटिश नागरिक इयान विल्यम्स लँगफोर्ड यांचा मृतदेह मुंबईतील ट्रायडंट हॉटेलमधील त्यांच्या खोलीतून सापडला. ते आयपीएलच्या प्रसारण चमूचा भाग होते आणि २४ मार्चपासून मरीन ड्राइव्ह येथील हॉटेलमध्ये राहत होते.

 

 

 

 

 

३१ मार्च रोजी हॉटेलच्या कर्मचाऱ्यांना ते त्यांच्या खोलीत बेशुद्ध अवस्थेत आढळले आणि त्यांनी तात्काळ पोलिसांना याची माहिती दिली. मरीन ड्राइव्ह पोलीस ठाण्यात अपघाती मृत्यूची नोंद करण्यात आली असून, तपास सुरू आहे. बीसीसीआयने या दुःखद घटनेबद्दल तीव्र शोक व्यक्त करणारे अधिकृत निवेदन जारी केले आहे.

 

बीसीसीआयच्या निवेदनात म्हटले आहे, "आयपीएल नियामक परिषद आणि सर्व संबंधित पक्ष इयान विल्यम्स लँगफोर्ड यांच्या अकाली निधनाबद्दल तीव्र शोक व्यक्त करतात. ते एक समर्पित प्रसारण अभियंता आणि आमच्या प्रसारण कार्याचा एक महत्त्वाचा भाग होते." त्यांच्या कुटुंबीय आणि मित्रांप्रति आमच्या संवेदना आहेत.

 

 

या निवेदनात पुढे म्हटले आहे, "या कठीण काळात लँगफोर्डच्या कुटुंबाला सर्वतोपरी मदत आणि पाठिंबा देण्यासाठी आयपीएल कटिबद्ध आहे. स्पर्धेशी संबंधित प्रत्येक सदस्याची सुरक्षा आणि आरोग्य हे आमचे सर्वोच्च प्राधान्य आहे. आयपीएलसारख्या मोठ्या कार्यक्रमाच्या वेळी आलेली ही दुःखद बातमी सर्वांसाठी अत्यंत भावनिक आहे. मृत्यूचे कारण पोलीस तपासानंतरच उघड केले जाईल. मरीन ड्राईव्ह पोलीस ठाण्यात अपघाती मृत्यूची नोंद करण्यात आली आहे. हॉटेल कर्मचाऱ्यांना लँगफोर्ड त्यांच्या खोलीत बेशुद्ध अवस्थेत आढळल्यानंतर पुढील तपास सुरू आहे."