पशुआहार महागल्याने पशुधन सांभाळणे कठीण

Farmer livestock business पारवा परिसरातील शेतीला जोडधंदा म्हणून शेतकरी शेळी, कुक्कुटपालन व दुग्धव्यवसायाकडे वळू लागला आहे. या व्यवसायामुळे स्थलांतर कमी होऊन येथील तरुणाईला रोजगार उपलब्ध होऊ लागला आहे. मात्र पशुआहार महागल्याने शेतकऱ्यांना दुधाळ जनावरे सांभाळणे कठीण झाले आहे.

 

 

 

Farmer livestock business  पशुखाद्याचे भाव झपाट्याने वाढले असूनही दुधाला मात्र अपेक्षित भाव मिळत नसल्याने शेतकऱ्यांचे संपूर्ण अर्थकारणच कोलमडले आहे. येथील दुग्धव्यवसाय हा शेतीला पूरक व जोडव्यवसाय म्हणून केला जातो. या व्यवसायावर अनेक शेतकऱ्यांचे अर्थकारण अवलंबून असते. तालुक्यात म्हैस व संकरित गायीचे प्रमाण अधिक आहे. मात्र, दूध उत्पादक शेतकरी सध्या पशुखाद्याच्या वाढत्या किंमतीमुळे आर्थिक अडचणीत आले आहेत.

कडबा सिंगल 2 हजार 500 रुपये क्विंटल, मुरघास 8 हजार 500 ते 10 हजार रुपये टन, सरकी पेंड 1 हजार 800 ते 1 हजार 900 प्रती 48 किलो, शेंग पेंड 1 हजार 350 ते 1 हजार 700 प्रति 40 किलो, मका कुट्टी 1 हजार 150 प्रती 45 किलो.