राजकारणाच्या रणांगणात सौहार्दाचा स्पर्श! video

 

 

Meeting of PM Modi and Rahul Gandhi नवी दिल्लीतील संसद परिसरात शनिवारी एक लक्षवेधी प्रसंग घडला. पंतप्रधान नरेंद्र मोदी आणि लोकसभेतील विरोधी पक्षनेते राहुल गांधी यांच्यात अचानक भेट होऊन काही काळ संवाद झाला. दोन्ही नेत्यांमधील ही अनौपचारिक चर्चा पाहून उपस्थितांचे लक्ष त्यांच्याकडे वेधले गेले. पंतप्रधान आपल्या वाहनातून उतरून राहुल गांधी यांच्याशी बोलण्यासाठी थांबले. या दरम्यान दोघांनी एकमेकांचे अभिवादन करतसंवाद साधला.दोन्ही नेते एकमेकांच्या जवळ उभे राहून गांभीर्याने चर्चा करत असल्याचे दिसून येते. त्यांचा हा संवाद अल्पकालीन असला तरी तो अर्थपूर्ण आणि सौहार्दपूर्ण असल्याचे वातावरण होते. सत्ताधारी आणि विरोधी पक्षांमध्ये नेहमीच राजकीय वाद रंगत असताना, अशा प्रकारची थेट आणि मोकळी भेट क्वचितच पाहायला मिळते. त्यामुळे या प्रसंगाला विशेष महत्त्व प्राप्त झाले. दोन्ही नेते बोलत असताना परिसरातील अनेक जण काही क्षण थांबून हा संवाद पाहत होते, ज्यामुळे तो क्षण अधिक लक्षवेधी ठरला.