अघोरी पूजनाने खळबळ

 

Aghori Puja आर्णी तालुक्यातील केळझरा (कोमटी) व अंतरगाव शेतशिवारात अज्ञात व्यक्तींनी अघोरी जादूटोणा व पूजन धक्कादायक घटना रविवार, १२ एप्रिल रोजी सकाळी ११ च्या दरम्यान समोर आल्याने या प्रकारामुळे परिसरात भीतीचे वातावरण निर्माण झाले असून विविध चर्चांना उधाण आले आहे,

 

 

 

अंतरगाव व केळझरा (कोमटी) शेतशिवारात पांढर्‍या रंगाचा मोठा गोल घट आखून त्यात अघोरी पूजन केलेले दिसून आले. ही घटना कळताच घटनास्थळी बघ्यांची गर्दी जमली. अघोरी पूजेमध्ये अज्ञात महिलेचे सात पासपोर्ट फोटो आणि बाहुली झाडाला खिळ्यांनी टोचून ठेेवलेली होती. एक साडी ब्लाऊज, हळदी कूंकू, नारळ, लिंबू, खिळे, दाभण, टाचण्या आढळून आल्या. तसेच झाडावर चाकू, उदबत्ती, मातीची भांडी तसेच अज्ञात वस्तू आढळून आल्या.

 

 

Aghori Puja  हा सर्व प्रकार जादूटोणा किंवा अघोरी पूजनाशी संबंधित असल्याचा संशय व्यक्त केला आहे. सकाळी शेतात कामासाठी गेलेल्या शेतकर्‍यांच्या निदर्शनास हा प्रकार आला आणि त्यांनी तत्काळ इतर ग‘ामस्थांना माहिती दिली. ग‘ामस्थांनी ही माहिती दिल्यावर आर्णी पोलिस ठाण्याचे जमादार प्रदीप खडके, अतुल पवार, अजय ठाकरे, पूजा गेडाम यांनी घटनास्थळी दाखल होऊन हे पूजा साहित्य जाळून टाकले. या घटनेची तक‘ार आर्णी पोलिसांकडे दाखल झालेली अघोरी पूजनाचे फोटो व व्हिडिओ समाज माध्यमावर मोठ्या प्रमाणात व्हायरल झाले असून या प्रकाराने परिसरात भीतीचे वातावरण निर्माण झाले असून अशा प्रकारांना आळा घालण्याची गरज असल्याची जनभावना आहे.