जनगणना टाळणार्‍यांवर कारवाईचा इशारा सिंदखेडराजा तहसिलदार अजित दिवटे

Census process देशभर २०२७ च्या जनगणना प्रक्रियेला सुरुवात झाली असताना सिंदखेडराजा तालुयात मात्र काही कर्मचार्‍यांकडून काम टाळण्याचे प्रकार समोर येत आहेत. या पार्श्वभूमीवर प्रशासनाने कडक भूमिका घेत जनगणना नाकारणार्‍या किंवा टाळाटाळ करणार्‍या कर्मचार्‍यांवर कायदेशीर कारवाई करण्याचा इशारा दिला आहे. तहसिलदार अजित दिवटे यांनी दिलेल्या माहितीनुसार, जनगणना हे अत्यंत महत्त्वाचे राष्ट्रीय कर्तव्य असून त्यासाठी नेमलेल्या कर्मचार्‍यांनी ते प्राधान्याने पार पाडणे आवश्यक आहे.

 

 

 

Census process मात्र, काही कर्मचारी खोटी वैद्यकीय प्रमाणपत्रे सादर करणे, आदेश रद्द करून घेणे किंवा इतर व्यक्तींमार्फत अधिकार्‍यांवर दबाव आणण्याचे प्रकार करत असल्याचे निदर्शनास आले आहे. प्रशासनाचा स्पष्ट इशारा अशा प्रकारांना आळा घालण्यासाठी प्रशासनाने ठोस पावले उचलली असून, नियमांचे उल्लंघन करणार्‍यांवर कठोर कारवाई केली जाईल, असे स्पष्ट करण्यात आले आहे. कायदा काय सांगतो जनगणना अधिनियम १९४८ अंतर्गत कलम ५ व ११ नुसार, जनगणना कामात अडथळा आणणे किंवा आदेशाचे उल्लंघन करणे हा दंडनीय गुन्हा आहे. त्यामुळे संबंधित कर्मचार्‍यांवर कायदेशीर कारवाई होऊ शकते. कोणावर होणार ेेेकारवाई प्रशासनाने खालील प्रकार करणार्‍यांना विशेष लक्षात घेतले आहे जनगणना आदेश रद्द करण्यासाठी खोटी कागदपत्रे सादर करणारेदबावतंत्राचा वापर करून आदेश रद्द करून घेणारेइतर व्यक्तींमार्फत कार्यालयीन अधिकार्‍यांवर दबाव आणणारेप्रशासनाच्या या कडक भूमिकेमुळे जनगणना काम टाळणार्‍या कर्मचार्‍यांमध्ये आता खळबळ उडाली असून, कामकाज अधिक शिस्तबद्ध होण्याची अपेक्षा व्यक्त केली जात आहे.