आश्रम शाळा प्रवेशद्वारासमोर गतिरोधक बसवण्याच्या मागणीकडे प्रशासनाचे दुर्लक्ष

शाळेच्या प्रवेशद्वारासमोर दोन्ही बाजूंना शास्त्रोक्त पद्धतीचे गतिरोधक बसवावेत.शाळा क्षेत्र, वेगमर्यादा २० किमी असे सूचनाफलक लावावेत व विद्यार्थ्यांना रस्ता ओलांडण्यासाठी झेब्रा क्रॉसिंगचे पट्टे मारावेत. या मागणीसाठी स्थानिक गोपाल महाराज (राठोड) यांनी यापूर्वी प्रशासनाकडे निवेदने दिली. मात्र दोन आठवडे उलटूनही कोणतीही ठोस कार्यवाही झाली नसल्याचा आरोप स्थानिकांनी केला आहे. प्रशासनाने आठ दिवसांत गतिरोधक बसवण्याचे काम सुरू न केल्यास शाळेतील विद्यार्थी, पालक व भाविकांना सोबत घेऊन महामार्गावर ठिय्या आंदोलन करण्यात येईल, असा इशारा गोपाल दिला आहे.