निकिता चव्हाण ची मुंबई पोलिस दलात निवड

nikita chavan तालुक्यातील लहानशा अंतरखेड गावाने अभिमानाचा क्षण अनुभवला आहे. गावातील निकिता संजय चव्हाण हिची मुंबई पोलिस दलात निवड झाल्याने संपूर्ण परिसरात आनंदाचे आणि अभिमानाचे वातावरण निर्माण झाले आहे. विशेष म्हणजे, अंतरखेड गावातून पोलिस दलात निवड होणारी ती पहिली मुलगी ठरली आहे.

 

 

 

 

 

निकिता चव्हाण हिने कठोर परिश्रम, जिद्द आणि चिकाटीच्या जोरावर हे यश संपादन केले आहे. ग्रामीण भागातील मर्यादित साधनसामग्री, अभ्यासासाठी आवश्यक सुविधा यांचा अभाव असूनही तिने आपले ध्येय डोळ्यासमोर ठेवत सातत्याने प्रयत्न केले. तिच्या या यशामुळे गावातील इतर मुलींनाही प्रेरणा मिळाली आहे. अंतरखेडसारख्या छोट्या गावात शिक्षण आणि स्पर्धा परीक्षांची तयारी करण्यासाठी अनेक अडचणी येतात. मात्र, या सर्व अडथळ्यांवर मात करत निकिताने आपल्या मेहनतीच्या जोरावर मुंबई पोलिस दलात स्थान मिळवले. तिच्या यशामागे कुटुंबाचा पाठिंबा आणि स्वतःची जिद्द हे महत्त्वाचे घटक ठरले. निकिताच्या निवडीची बातमी कळताच गावात जल्लोषाचे वातावरण निर्माण झाले. ग्रामस्थांनी फटाके फोडून आनंद साजरा केला. निकिता चव्हाणचे हे यश ग्रामीण भागातील मुलींसाठी प्रेरणादायी ठरत आहे.nikita chavan या यशामुळे तिच्या कुटुंबीयांचा आनंद गगनात मावेनासा झाला आहे. मुलीने कष्ट करून हे यश मिळवले आहे. तिचा आम्हाला अभिमान आहे, अशी भावना तिच्या पालकांनी व्यक्त केली. निकिता चव्हाणच्या निवडीमुळे केवळ अंतरखेडच नव्हे, तर संपूर्ण कारंजा तालुयाचे नाव उज्ज्वल झाले आहे. तिच्या पुढील कारकिर्दीसाठी सर्व स्तरातून शुभेच्छांचा वर्षाव होत आहे.