वाल्मिक कराडची तब्येत बिघडली

Walmik Karad बीडमधील चर्चेत असलेल्या प्रकरणातील आरोपी वाल्मिक कराड यांची प्रकृती अचानक बिघडल्याने त्यांना रुग्णालयात दाखल करण्यात आल्याची माहिती समोर आली आहे. न्यायालयीन कोठडीत असताना त्रास जाणवू लागल्याने कारागृह प्रशासनाने त्यांना तातडीने वैद्यकीय उपचारासाठी हलवले.

 

 

मिळालेल्या माहितीनुसार, कराड यांना पोटदुखीचा त्रास जाणवत असल्याने सुरुवातीला कारागृहातील वैद्यकीय पथकाने तपासणी केली. मात्र त्रास कायम राहिल्याने पुढील उपचारासाठी त्यांना जिल्हा रुग्णालयात दाखल करण्यात आले. रुग्णालयात डॉक्टरांच्या निरीक्षणाखाली त्यांच्यावर उपचार सुरू असून आवश्यक वैद्यकीय चाचण्या करण्यात येत आहेत.

याआधीही वेगवेगळ्या टप्प्यांवर Walmik Karad त्यांची प्रकृती बिघडल्याच्या घटना समोर आल्या आहेत. २०२५ मध्येही अशाच प्रकारे त्रास जाणवल्यानंतर त्यांना रुग्णालयात दाखल करण्यात आले होतेदरम्यान, त्यांच्या सध्याच्या प्रकृतीबाबत रुग्णालय प्रशासन किंवा पोलिसांकडून अधिकृत सविस्तर माहिती अद्याप देण्यात आलेली नाही. मात्र परिस्थितीवर लक्ष ठेवले जात असून पुढील निर्णय वैद्यकीय अहवालानंतर घेतला जाणार असल्याचे सूत्रांनी सांगितले.या घटनेनंतर पुन्हा एकदा बीड परिसरात चर्चांना उधाण आले असून प्रशासनाने परिस्थितीवर बारकाईने लक्ष ठेवले आहे.