प्राजक्ता माळीवर अंधारेंची टीका

Prajakta Mali  मराठी मनोरंजन विश्वातील लोकप्रिय अभिनेत्री प्राजक्ता माळी हिच्या एका वक्तव्यामुळे सध्या राजकीय वर्तुळात चर्चा रंगली आहे. अभिनय, निवेदन, नृत्य आणि उद्योजकता अशा विविध क्षेत्रांत सक्रिय असलेल्या प्राजक्ता माळीने नुकत्याच झालेल्या ‘नारी शक्ती वंदन’ महिला संमेलनात मुख्यमंत्री देवेंद्र फडणवीस यांच्या कामकाजाचे कौतुक केले. मात्र, तिच्या या वक्तव्यावरून विरोधकांकडून तीव्र प्रतिक्रिया उमटू लागल्या आहेत.

 

 

या कार्यक्रमाला फडणवीस यांच्यासह बॉलिवूड अभिनेत्री रवीना टंडन यांचीही उपस्थिती होती. व्यासपीठावर बोलताना प्राजक्ता माळीने राज्यातील सध्याच्या संवेदनशील परिस्थितीत मुख्यमंत्र्यांनी घेतलेल्या भूमिकेचे समर्थन केले. विशेषतः ‘भोंदूबाबा’ प्रकरण हाताळताना त्यांनी दाखवलेली कडक भूमिका आणि महिलांच्या सन्मानासाठी घेतलेली भूमिका उल्लेखनीय असल्याचे ती म्हणाली.

प्राजक्ता माळीने आपल्या भाषणात फडणवीस यांच्या नेतृत्वशैलीचे कौतुक करताना सांगितले की, कठोर निर्णय घ्यायची वेळ आली तर ते ठामपणे उभे राहतात, तर संवेदनशील परिस्थितीत ते अत्यंत समजूतदारपणे वागतात. सार्वजनिक जीवनात मोठ्या प्रमाणावर टीका आणि ट्रोलिंगला सामोरे जावे लागत असतानाही त्यांच्या भाषेत संयम आणि सभ्यता कायम असल्याचेही तिने नमूद केले.

मात्र, या वक्तव्यानंतर राजकीय Prajakta Mali प्रतिक्रिया उमटू लागल्या. शिवसेना नेत्या सुषमा अंधारे यांनी सोशल मीडियावरून प्राजक्ता माळीवर जोरदार टीका केली. त्यांनी आपल्या पोस्टमध्ये म्हटले की, मनोरंजन क्षेत्रातील व्यक्तींनी राज्यातील गंभीर सामाजिक प्रश्नांवर भाष्य न करता केवळ सत्ताधाऱ्यांचे कौतुक करणे हे योग्य नाही. तसेच, महिलांवरील अत्याचारांसारख्या मुद्द्यांवर मौन बाळगणाऱ्या व्यक्तींनी अशा प्रकारची भूमिका घेणे हास्यास्पद वाटते, अशी टीकाही त्यांनी केली.या संपूर्ण प्रकरणामुळे सोशल मीडियावर मोठ्या प्रमाणात चर्चा सुरू झाली आहे. काहीजण प्राजक्ता माळीच्या वक्तव्याचे समर्थन करताना दिसत आहेत, तर काहीजण तिच्यावर टीका करत आहेत. मनोरंजन क्षेत्रातील व्यक्तींनी राजकीय विषयांवर भूमिका मांडल्यावर निर्माण होणारा वाद नवीन नसला तरी, या प्रकरणामुळे पुन्हा एकदा कला आणि राजकारण यांच्यातील सीमारेषा अधोरेखित झाली आहे.