ब्रेकअपनंतर तीन महिन्यांतच वीर पहाडिया पुन्हा चर्चेत

Veer Pahariya अभिनेता वीर पहाडिया पुन्हा एकदा त्याच्या वैयक्तिक आयुष्यामुळे चर्चेच्या केंद्रस्थानी आला आहे. तारा सुतारियासोबतच्या ब्रेकअपनंतर अवघ्या काही महिन्यांतच तो एका अज्ञात तरुणीसोबत दिसल्याने सोशल मीडियावर विविध चर्चांना उधाण आले आहे.

 

 

मिळालेल्या माहितीनुसार, वीर पहाडिया अलीकडेच मुंबईतील एका रेस्टॉरंटमधून एका ‘मिस्ट्री गर्ल’सोबत बाहेर पडताना दिसला. दोघेही गाडीकडे जाताना पापाराझी कॅमेऱ्यात कैद झाले. या वेळी संबंधित तरुणीने आपला चेहरा लपवण्याचा प्रयत्न केल्याचे दिसून आले. मात्र, वीरने थांबून पापाराझींशी संवाद साधल्याचे व्हिडीओत दिसते.या घटनेचा व्हिडिओ प्रसिद्ध पापाराझी अकाउंटवरून समोर आल्यानंतर तो सोशल मीडियावर मोठ्या प्रमाणात व्हायरल झाला आहे. या व्हिडिओमध्ये वीर काळ्या रंगाच्या स्टायलिश पोशाखात दिसत असून, त्याच्यासोबत दिसलेली तरुणी पांढऱ्या टॉप आणि निळ्या डेनिममध्ये असल्याचे दिसते.

या मिस्ट्री गर्लची Veer Pahariya  ओळख पटवण्याचा प्रयत्न चाहत्यांकडून सुरू असून, काही युजर्सच्या मते ती चित्रपट निर्माते साजिद नाडियाडवाला यांच्या कुटुंबाशी संबंधित असून, आगामी प्रोजेक्टमध्ये वीरसोबत काम करत असल्याचे बोलले जात आहे. मात्र याबाबत कोणतीही अधिकृत पुष्टी झालेली नाही.वीर पहाडिया आणि तारा सुतारिया यांच्या नात्याची चर्चा गेल्या काही महिन्यांपासून मनोरंजन विश्वात सुरू होती. दोघांनी सोशल मीडियावर आपले नाते सार्वजनिकही केले होते. मात्र, अलीकडेच मुंबईतील एका कॉन्सर्टदरम्यान घडलेल्या घटनेनंतर त्यांच्या नात्यात दुरावा निर्माण झाल्याच्या चर्चा सुरू झाल्या आणि त्यानंतर दोघांच्या ब्रेकअपची बातमी समोर आली.

ब्रेकअपनंतर Veer Pahariya  वीर पुन्हा पुढे सरसावल्याच्या चर्चा सुरू झाल्या असून, सोशल मीडियावर चाहत्यांकडून विविध प्रतिक्रिया उमटत आहेत. काही युजर्स हे केवळ मैत्रीपूर्ण भेट असल्याचे म्हणत आहेत, तर काहींनी वीरच्या आयुष्यात नवीन अध्याय सुरू झाल्याचा अंदाज व्यक्त केला आहे.दरम्यान, या संपूर्ण प्रकरणावर वीर पहाडिया किंवा संबंधित व्यक्तीकडून कोणतीही अधिकृत प्रतिक्रिया आलेली नाही. त्यामुळे ही चर्चा सध्या केवळ सोशल मीडिया आणि व्हायरल व्हिडिओपुरती मर्यादित आहे.