जेईई मेन सत्र २ परीक्षेच्या मार्गदर्शक सूचना जाणून घ्या

jee main session 2 exam जेईई मेन सत्र २ परीक्षा आज, २ एप्रिलपासून सुरू होत आहे. या परीक्षेत बसण्यासाठी १६ लाखांहून अधिक विद्यार्थ्यांनी अर्ज केला आहे. नॅशनल टेस्टिंग एजन्सी (NTA) ने परीक्षेच्या मार्गदर्शक सूचना, ड्रेस कोड आणि इतर माहिती दिली आहे. परीक्षा केंद्रावर कोणतीही अडचण टाळण्यासाठी परीक्षा देणाऱ्या विद्यार्थ्यांनी या मार्गदर्शक सूचना काळजीपूर्वक वाचून त्यांचे पालन करावे.

 

 

 

NTA ने विद्यार्थ्यांना परीक्षेच्या दिवशी हलके, आरामदायक कपडे घालण्याचा सल्ला दिला आहे. मुलांनी धातूच्या वस्तू, जसे की साखळ्या, अंगठ्या किंवा जड बटणे असलेले कपडे घालणे टाळावे, तर मुलींना दुपट्टा, स्टोल किंवा जास्त दागिने घालण्यास मनाई आहे.

परीक्षेला बसणाऱ्या विद्यार्थ्यांनी परीक्षा हॉलमध्ये काही विशिष्ट वस्तू आणू नयेत, जसे की भूमिती किंवा पेन्सिल बॉक्स, हँडबॅग, पाकीट, कोणताही कागद/स्टेशनरी/अभ्यास साहित्य (छापील किंवा लिखित), खाद्यपदार्थ आणि पेये (सुटे किंवा पॅक केलेले), मोबाईल फोन/इअरफोन/मायक्रोफोन/पेजर, कॅल्क्युलेटर, डॉक्युपेन, स्लाईड रूल, लॉग टेबल, कॅमेरा, टेप रेकॉर्डर, कॅल्क्युलेटरची सुविधा असलेली इलेक्ट्रॉनिक घड्याळे आणि इतर कोणत्याही धातूच्या वस्तू किंवा इलेक्ट्रॉनिक गॅझेट्स.