धडक अन् मृत्यूचा सापळा! आरा पर्वताला भिडून विमानाचा चुराडा! VIDEO

chartered-plane-crashes : सोमवारी छत्तीसगडच्या जशपूर जिल्ह्यात एक मोठा विमान अपघात झाला. एक चार्टर्ड विमान आरा पर्वतरांगांवर कोसळले. या भीषण अपघातात पायलट आणि को-पायलट यांचा मृत्यू झाल्याची पुष्टी झाली आहे. विमानात इतर कोणी प्रवासी होते का, याची प्रशासन चौकशी करत आहे.

 

 

 

 

मिळालेल्या माहितीनुसार, चार्टर्ड विमान आरा पर्वतरांगांवरून उडत असताना पर्वताच्या शिखरांवर आदळले. या धडकेनंतर विमानाचे तुकडे तुकडे झाले. या घटनेचा एक व्हिडिओ सोशल मीडियावर वेगाने व्हायरल होत आहे, ज्यामध्ये घटनास्थळाचे दृश्य दिसत आहे.

 

अपघाताची बातमी मिळताच, वरिष्ठ पोलीस अधिकारी आणि एसएसपी लाल उमेद सिंग घटनास्थळी दाखल झाले. प्रशासकीय अधिकाऱ्यांच्या उपस्थितीत घटनास्थळी मदत आणि बचाव कार्य सुरू आहे.

 

 

 

सौजन्य: सोशल मीडिया 

 

 

दुसऱ्या बातमीनुसार, प्रादेशिक एअरलाइन फ्लाय९१ चे तेलंगणातील हैदराबादहून कर्नाटकातील हुबळीकडे जाणारे विमान खराब हवामानामुळे बंगळूरुला वळवण्यात आले. अधिकाऱ्यांनी सांगितले की विमानातील सर्व प्रवासी सुरक्षित आहेत. रविवारी, विमान साडेतीन तास हवेतच राहिल्याने प्रवाशांमध्ये घबराट पसरली, काही जण रडत होते आणि आपल्या सुरक्षिततेसाठी प्रार्थना करत होते. सूत्रांनी दिलेल्या माहितीनुसार, दुपारी ३ वाजण्याच्या सुमारास हैदराबादहून निघालेले हे विमान सायंकाळी ४:३० च्या सुमारास हुबळीला पोहोचणार होते, परंतु प्रतिकूल हवामानामुळे तेथे उतरू शकले नाही.