वृंदावनमध्ये दिसले 'विराट'चे सौम्य रूप!

Virat spotted in Vrindavan भारतीय क्रिकेट संघाचा माजी कर्णधार विराट कोहली सध्या आयपीएलमध्ये व्यस्त असतानाच त्याच्या वैयक्तिक आयुष्याशी संबंधित एक वेगळीच चर्चा रंगली आहे. एका परदेशी सामाजिक माध्यमांवरील व्यक्तीच्या छायाचित्रावरून निर्माण झालेल्या वादानंतर विराट कोहली पत्नी अनुष्का शर्मासह उत्तर प्रदेशातील वृंदावन येथे दिसला. क्रिकेटच्या धकाधकीच्या वेळापत्रकातही विराट आणि अनुष्का यांनी अक्षय तृतीयेच्यानिमित्ताने संत प्रेमानंद जी महाराज यांच्या आश्रमाला भेट दिली. या भेटीदरम्यान विराट साध्या वेशात, पायात चप्पल न घालता आणि चेहऱ्यावर मास्क लावून दिसला. तर अनुष्का पांढऱ्या पारंपरिक पोशाखात दिसली. या दोघांचा साधेपणा आणि शांततेत घालवलेले क्षण चाहत्यांचे लक्ष वेधून घेत आहेत.

 

 

 

दरम्यान, समाजमाध्यमांवर फिरणाऱ्या एका छायाचित्रामुळे निर्माण झालेल्या चर्चेनंतर या भेटीकडे अधिक लक्ष वेधले गेले आहे. एका जर्मन सामाजिक माध्यम व्यक्तीच्या पोस्टला विराटच्या खात्यावरून प्रतिक्रिया दिली गेल्याचे चाहत्यांच्या लक्षात आल्यानंतर विविध अंदाज व्यक्त केले जाऊ लागले. त्यानंतर ती प्रतिक्रिया काढून टाकल्याने चर्चेला आणखी उधाण आले. या सर्व घडामोडींमध्ये त्या परदेशी व्यक्तीनेही आपली भूमिका स्पष्ट केली होती.  या संपूर्ण प्रकरणामुळे क्रिकेटपटूच्या वैयक्तिक आयुष्याबाबत पुन्हा एकदा चर्चेचे वारे वाहू लागले असून, वृंदावन भेटीमुळे त्याच्या आध्यात्मिक बाजूचीही चर्चा रंगू लागली आहे.