अल्पवयीन मुलींची विक्री

Human trafficking case  यावेळी अ‍ॅड. चौहान पुढे म्हणाले, आदिवासीबहुल भागातून 34 मुली बेपत्ता झाल्या आहेत. या प्रकरणाची ऑडिओ क्लिप 17 एप्रिलला व्हायरल झाली होती. त्याच दरम्यान मला एक फोन आला. त्यात एक अल्पवयीन मुलगी संकटात असल्याचे समजले. त्या मुलीला सोडविण्यात आले असून, त्या मुलीचे वय कमी होते. मात्र, तिचे लग्न ज्या व्यक्तीसोबत लावून देण्यात येत होते. त्याचे वय 44 वर्षाचे होते. त्याच्यासह इतर व्यक्तींवर संबंधित विभागाने कारवाई केली आहे. व्हायरल झालेली क्लिप आणि या प्रकरणाचा काही संबंध आहे, का याची पोलिसांनी चौकशी करावी. आता याच प्रकरणाची दुसरी ऑडिओ क्लिपसुद्धा समोर आली आहे. यात संबंधित मुलगी असे प्रकरण झाल्याचे मान्य करत आहे, असेही ते म्हणाले. त्याचसोबत ही टोळी बनावट आधार कार्ड बनवून मुलींची विक्री करत असल्याचेसुद्धा त्यांनी सांगितले. मात्र, पोलिस चौकशीत पीडिता किंवा त्यांचे कुटुंबीय पाहिजे तसा प्रतिसाद देत नसल्याचे समोर येत आहे. व्हायरल झालेल्या दोन्ही ऑडिओ क्लिपमध्ये आरोपी मजहर कुरेशी याचे नाव येत आहे. त्यामुळे प्रकरण खूप खोल असून, या प्रकरणाची पोलिसांनी सखोल चौकशी करावी, अशी मागणी यावेळी करण्यात आली आहे.