गर्भवती मातांसाठी ‘प्रधानमंत्री मातृवंदना योजना’

pradhan-mantri-matru-vandana-yojana : केंद्र शासनाची महत्त्वाकांक्षी प्रधानमंत्री मातृवंदना योजना राज्यात प्रभावीपणे राबवण्यात येत असून गर्भवती महिलांना थेट त्यांच्या बँक खात्यात आर्थिक सहाय्य दिले जात आहे. डायरेक्ट बेनिफिट ट्रान्सफर (डीबीटी) प्रणालीद्वारे अनुदान वितरित केले जात आहे.

 

 

 

 

 

केंद्र सरकारच्या 14 जुलै 2022 च्या निर्णयानुसार योजनेत बदल करण्यात आला. पूर्वी केवळ पहिल्या गर्भधारणेसाठी मर्यादित असलेला लाभ आता विस्तारण्यात आला आहे. 1 एप्रिल 2022 नंतर दुसरे अपत्य मुलगी जन्माला आल्यास त्या लाभार्थी महिलांनाही योजनेत समाविष्ट करण्यात आले आहे.

 

 

या योजनेअंतर्गत पात्र महिलेला पहिल्या अपत्यासाठी एकूण 5000 रुपये दोन हप्त्यांत, तर दुसरे अपत्य मुलगी जन्मल्यास 6000 रुपये एकरकमी आर्थिक सहाय्य दिले जाते. ही रक्कम आधार-संलग्न बँक किंवा पोस्ट खात्यात थेट जमा केली जाते.

 

 

या योजनेचा मुख्य उद्देश गरोदर मातांना सकस आहारासाठी आर्थिक मदत देणे तसेच त्यांच्या आरोग्याची काळजी घेणे हा आहे. लाभ घेण्यासाठी महिलांनी जवळच्या शासकीय आरोग्य संस्थेशी संपर्क साधावा. आशा कार्यकर्त्या, आरोग्यसेविका किंवा अंगणवाडी सेविका यांच्या मदतीने अर्ज प्रक्रिया पूर्ण करण्याचे आवाहन करण्यात आले आहे.