१४९ दिवसांची प्रतीक्षा संपली बद्रीनाथ धामात पुन्हा 'भक्तीचा गजर'

badrinath temple उत्तराखंडमधील पवित्र चारधाम यात्रेला यंदा पूर्ण वेग मिळाला असून, बद्रीनाथ मंदिरचे दरवाजे आज विधिवत उघडण्यात आले. यापूर्वी केदारनाथ मंदिरचे दरवाजे उघडल्यानंतर आता बद्रीनाथ धाम खुले झाल्याने यात्रेची सांगता झाल्याचे मानले जाते. सुमारे १४९ दिवसांनंतर भगवान बद्रीनाथ भक्तांना दर्शनासाठी उपलब्ध झाले आहेत.

 

 

मुख्यमंत्री पुष्कर सिंह धामी यांच्या उपस्थितीत सकाळी सुमारे ६:१५ वाजता पारंपरिक विधी आणि मंत्रोच्चारात मंदिराचे दरवाजे उघडण्यात आले. या वेळी हजारो भाविकांनी ‘जय बद्री विशाल’च्या घोषणांनी परिसर दुमदुमून टाकला. धार्मिक वातावरणात भाविकांनी दर्शनाचा लाभ घेतला.यंदा मंदिराची सजावट विशेष आकर्षण ठरली आहे. सुमारे २५ क्विंटल फुलांनी मंदिर सजवण्यात आले असून, ‘ओम लक्ष्मीपती नमो’, ‘जय श्री बद्री नारायण’ आणि ‘वैकुंठाय नमो’ अशी पवित्र अक्षरे फुलांमधून साकारण्यात आली आहेत. या सजावटीमुळे मंदिर परिसर अधिकच देखणा आणि आध्यात्मिक वातावरणाने भारलेला दिसत आहे.

चारधाममधील सर्व badrinath temple मंदिरे हिमालयाच्या उंच प्रदेशात वसलेली असल्याने हिवाळ्यात येथे तीव्र थंडी आणि हिमवृष्टीचा सामना करावा लागतो. त्यामुळे दरवर्षी ऑक्टोबर-नोव्हेंबर महिन्यात मंदिरांचे दरवाजे बंद केले जातात. त्यानंतर एप्रिल-मे महिन्यात पुन्हा भक्तांसाठी उघडले जातात. साधारण सहा महिने चालणाऱ्या या यात्रेत देशभरातून लाखो भाविक सहभागी होतात.यंदाच्या यात्रेची सुरुवात १९ एप्रिल रोजी अक्षय तृतीयाच्या शुभमुहूर्तावर यमुनोत्री मंदिर आणि गंगोत्री मंदिरचे दरवाजे उघडून झाली. त्यानंतर २२ एप्रिल रोजी केदारनाथ मंदिर खुले झाले आणि आज बद्रीनाथ धाम उघडल्याने २०२६ सालची चारधाम यात्रा पूर्णपणे सुरू झाली आहे.या यात्रेमुळे उत्तराखंडच्या अर्थव्यवस्थेलाही मोठा आधार मिळतो. हॉटेल, वाहतूक, स्थानिक व्यवसाय आणि पर्यटन क्षेत्राला यामुळे चालना मिळते. श्रद्धा, भक्ती आणि निसर्गसौंदर्याचा संगम असलेली ही यात्रा पुढील काही महिन्यांत लाखो भाविकांना आकर्षित करणार आहे.