आज ठरणार भविष्य.. यूपी बोर्ड १०वी-१२वी निकालाची उत्कंठा शिगेला

UP Board result 2026 उत्तर प्रदेश माध्यमिक शिक्षण परिषद (UPMSP) आज इयत्ता १०वी आणि १२वीचा बहुप्रतिक्षित निकाल जाहीर करणार आहे. निकाल जाहीर झाल्यानंतर विद्यार्थी अधिकृत वेबसाइट upresult.nic.in वर आपला निकाल तपासू शकतील. मात्र, मोठ्या संख्येने विद्यार्थी एकाच वेळी वेबसाइटला भेट देण्याची शक्यता असल्याने साइटवर ताण येऊन ती उघडण्यात अडचण येऊ शकते. अशा परिस्थितीत विद्यार्थ्यांसाठी काही पर्यायी डिजिटल पर्याय उपलब्ध करून देण्यात आले आहेत.

 

 

निकाल तपासण्यासाठी डिजीलॉकर (DigiLocker), उमंग (UMANG) अ‍ॅप तसेच indiaresults.com आणि अधिकृत यूपी बोर्ड पोर्टल अशा पर्यायी प्लॅटफॉर्मचा वापर करता येणार आहे. हे पर्याय वेबसाइटवरील तांत्रिक अडचणीच्या वेळी विद्यार्थ्यांसाठी उपयुक्त ठरतात.

डिजीलॉकरवर निकाल पाहण्यासाठी विद्यार्थ्यांनी digilocker.gov.in या वेबसाइटला भेट द्यावी किंवा अ‍ॅप उघडावे. त्यानंतर मोबाईल नंबर, ईमेल आयडी आणि पासवर्डच्या सहाय्याने लॉगिन करावे लागेल. नवीन वापरकर्त्यांनी प्रथम खाते तयार करणे आवश्यक आहे. लॉगिन केल्यानंतर ‘UP Board Result’ किंवा गुणपत्रिका विभाग निवडून रोल नंबर टाकल्यानंतर निकाल पाहता येईल. निकाल डाउनलोड करून सुरक्षित ठेवण्याची सुविधा देखील उपलब्ध आहे.

याशिवाय web.umang.gov.in या उमंग पोर्टलवरही विद्यार्थी आपला निकाल पाहू शकतात. तसेच indiaresults.com या तृतीय-पक्षीय वेबसाइटवरही निकाल उपलब्ध असतो.यंदा यूपी बोर्डाच्या १०वी आणि १२वीच्या परीक्षा १८ फेब्रुवारी ते १२ मार्च २०२६ दरम्यान पार UP Board result 2026  पडल्या होत्या. या परीक्षांसाठी एकूण ५० लाखांहून अधिक विद्यार्थ्यांनी नोंदणी केली होती. त्यामध्ये हायस्कूलसाठी सुमारे २७.६ लाख आणि इंटरमीडिएटसाठी २५.७ लाख विद्यार्थ्यांचा समावेश आहे.निकालाची प्रतीक्षा करणाऱ्या विद्यार्थ्यांमध्ये उत्सुकता शिगेला पोहोचली असून आजचा दिवस त्यांच्या शैक्षणिक भविष्यासाठी अत्यंत महत्त्वाचा ठरणार आहे.