जिल्ह्यात २७ एप्रिल ते १९ मे पर्यंत विशेष कर्करोग निदान मोहीम

Cancer diagnosis campaign जिल्ह्यात २७ एप्रिल ते १९ मे या कालावधीत विशेष कर्करोग निदान मोहीम राबवण्यात आहे. नागरिकांसाठी मोफत तपासणी शिबिराचे आयोजन करण्यात आले आहे. या मोहिमेत ‘कॅन्सर डायग्नोसिस व्हॅन’द्वारे मुख, स्तन व गर्भाशयमुख कर्करोगाच्या संशयित रुग्णांची तज्ज्ञांकडून तपासणी करण्यात येणार आहे.

 

 

 

 Cancer diagnosis campaign राष्ट्रीय असंसर्गजन्य रोग नियंत्रण कार्यक‘मांतर्गत ही मोहीम राबविण्यात येत आहे. उच्च रक्तदाब, मधुमेह, स्ट्रोक, हृदयरोग तसेच विविध प्रकारच्या कर्करोगांचे निदान व उपचार सर्व आरोग्य संस्थांमध्ये करण्यात येतात. यवतमाळ जिल्ह्यात हा कार्यक‘म २०१८ पासून प्रभावीपणे सुरू आहे. याच अंतर्गत जिल्ह्यासाठी विशेष कॅन्सर निदान व्हॅन उपलब्ध करून देण्यात आली आहे. या व्हॅनद्वारे जिल्ह्यातील प्रत्येक तालुक्यातील एका प्राथमिक आरोग्य केंद्रावर तपासणी शिबिर आयोजित करण्यात येणार आहे. शिबिरात स्त्रीरोग तज्ञ व दंत शल्य चिकित्सक यांच्या मार्गदर्शनाखाली स्तन व गर्भाशयमुख कर्करोगाची तपासणी केली जाईल. तपासणीदरम्यान संशयित आढळलेल्या रुग्णांना पुढील उपचारासाठी योग्य मार्गदर्शन व संदर्भ सेवा उपलब्ध करून दिली जाणार आहे. ही मोहीम जिल्हा शल्य चिकित्सक व जिल्हा आरोग्य अधिकार्‍यांच्या मार्गदर्शनात राबवण्यात येणार आहे. आपल्या कुटुंबीय, नातेवाईक व परिसरातील नागरिकांनाही या मोफत तपासणी मोहिमेबाबत माहिती देऊन जास्तीत सहभाग नोंदवावा, असे आवाहन जिल्हा शल्य चिकित्सकांनी नागरिकांना केले आहे.

२७ एप्रिल प्राथमिक आरोग्य केंद्र म्हसोला (ता. आर्णी), २८ एप्रिल प्राथमिक आरोग्य केंद्र पहुर (ता. बाभुळगाव), २९ एप्रिल प्राथमिक आरोग्य केंद्र तळेगाव (ता. दारव्हा), ३० एप्रिल प्राथमिक आरोग्य केंद्र वसंतनगर (ता. दिग‘स), मे प्राथमिक आरोग्य केंद्र शिवनी (ता. घाटंजी), ५ मे—प्राथमिक आरोग्य केंद्र सावरगाव (ता. कळंब), ६ मे प्राथमिक आरोग्य केंद्र पोहंडुळ (ता. महागाव), ७ मे प्राथमिक आरोग्य केंद्र मार्डी (ता. मारेगाव), ८ मे प्राथमिक आरोग्य केंद्र माणिकवाडा (ता. नेर), ११ मे प्राथमिक आरोग्य केंद्र पहापळ (ता. पांढरकवडा), १२ मे प्राथमिक केंद्र चोंढी (ता. पुसद), १३ मे प्राथमिक आरोग्य केंद्र दहेगाव (ता. राळेगाव), १४ मे प्राथमिक आरोग्य केंद्र मुळावा (ता. उमरखेड), १५ मे प्राथमिक आरोग्य केंद्र शिरपूर (ता. वणी), १८ मे प्राथमिक आरोग्य केंद्र बेलोरा (ता. यवतमाळ), १९ मे प्राथमिक आरोग्य केंद्र मुकुटबन (ता. झरीजामणी)