निगेटिव्ह बॅलन्स तरीही वीज बंद नाही! ग्राहकांना मोठा दिलासा

negative-balance : उत्तर प्रदेश सरकारने स्मार्ट मीटर वापरणाऱ्या वीज ग्राहकांना मोठा दिलासा दिला आहे. आता मीटरमध्ये बॅलन्स निगेटिव्ह झाला तरी ठराविक कालावधीपर्यंत वीजपुरवठा खंडित केला जाणार नाही. या निर्णयामुळे लाखो ग्राहकांना तात्पुरता दिलासा मिळणार आहे.

 

 

 

 

सरकारच्या नव्या निर्णयानुसार, नव्याने स्मार्ट मीटर बसवलेल्या ग्राहकांना सुरुवातीला सुमारे १५ दिवसांचा ट्रांझिशन कालावधी दिला जाईल. त्यानंतरही पुढील ३० दिवस वीज कनेक्शन कोणत्याही परिस्थितीत तोडले जाणार नाही. म्हणजेच एकूण जवळपास ४५ दिवस ग्राहकांना वीजपुरवठा सुरू राहणार आहे.

 

याशिवाय, निगेटिव्ह बॅलन्स असतानाही काही दिवस “इमर्जन्सी क्रेडिट”च्या स्वरूपात वीज उपलब्ध राहणार आहे, ज्यामुळे ग्राहकांना त्वरित रिचार्ज करण्यासाठी वेळ मिळेल.

 

ग्राहकांना वेळेवर सूचना मिळाव्यात यासाठी सरकारने ५-स्तरीय SMS अलर्ट प्रणाली सुरू करण्याचाही निर्णय घेतला आहे. यात बॅलन्स कमी होत असताना, शून्यावर येताना आणि कनेक्शन तोडण्यापूर्वी ग्राहकांना सतत सूचना दिल्या जाणार आहेत.

 

दरम्यान, रविवार आणि सार्वजनिक सुट्ट्यांच्या दिवशी निगेटिव्ह बॅलन्स असला तरी वीज कनेक्शन तोडले जाणार नाही, असेही स्पष्ट करण्यात आले आहे. या निर्णयाचा मुख्य उद्देश म्हणजे ग्राहकांना अचानक वीज बंद होण्यापासून वाचवणे आणि स्मार्ट मीटर प्रणाली अधिक पारदर्शक व ग्राहकाभिमुख बनवणे हा आहे.