अमेरिका-इराण चर्चा पाकिस्तानातच का?

Imran Khan's son's accusation पाकिस्तानचे माजी पंतप्रधान इम्रान खान सध्या कारावासात असताना त्यांच्या मुलगा सुलेमान खान यांनी देशातील सध्याच्या परिस्थितीवर गंभीर आरोप केले आहेत. त्यांनी सत्ताधाऱ्यांवर लोकशाही व्यवस्था कमकुवत होत असल्याचे लपवण्याचा आरोप करत, आंतरराष्ट्रीय पातळीवर चांगली प्रतिमा निर्माण करण्याच्या प्रयत्नात देशातील असंतोष दडपला जात असल्याचा दावा केला आहे. एका मुलाखतीदरम्यान त्यांनी सांगितले की, पाकिस्तानमध्ये मानवाधिकारांचे उल्लंघन सुरूच असून अनेक नागरिकांना योग्य कायदेशीर प्रक्रियेविना अटक केली जात आहे. सरकारविरोधात आवाज उठवणाऱ्यांना लक्ष्य करून कारवाई होत असल्याचेही त्यांनी नमूद केले. त्यांच्या मते, देशात हुकूमशाहीकडे झुकणारी व्यवस्था निर्माण होत आहे.

 

 

 

 

दरम्यान, एप्रिल २०२२ मध्ये सत्तेतून दूर झाल्यानंतर ऑगस्ट २०२३ पासून विविध प्रकरणांमध्ये इम्रान खान हे तुरुंगात आहेत. त्यांच्या अटकेमुळे पाकिस्तानच्या राजकारणात मोठा वाद निर्माण झाला असून त्यांच्या पक्षाचे म्हणणे आहे की, त्यांच्यावरचे आरोप राजकीय सूडातून लावले गेले आहेत. याच काळात पाकिस्तान आंतरराष्ट्रीय स्तरावरही महत्त्वाच्या घडामोडींचे केंद्र ठरत आहे. अमेरिका आणि इराण यांच्यातील तणाव कमी करण्यासाठी इस्लामाबाद येथे चर्चेची दुसरी फेरी होण्याची शक्यता व्यक्त केली जात आहे. इराणने थेट संवादास नकार दिला असला, तरी मध्यस्थीच्या माध्यमातून तोडगा काढण्याचे प्रयत्न सुरू आहेत. या चर्चांदरम्यान युद्धविराम टिकवून ठेवणे, होर्मुझ सामुद्रधुनीतील अडथळे दूर करणे आणि अणुऊर्जा कार्यक्रमाशी संबंधित प्रश्न सोडवणे हे प्रमुख मुद्दे आहेत. यापूर्वी झालेली पहिली बैठक निष्फळ ठरली होती. त्यामुळे आता होणाऱ्या चर्चेकडे जागतिक स्तरावर लक्ष लागले असून, त्यातून काही सकारात्मक निष्कर्ष निघण्याची अपेक्षा व्यक्त केली जात आहे.