जिल्ह्यातील 13 तलाव मासेमारीसाठी ठेक्याने देणार

Lake fishingपाटबंधारे, जलसंधारण विभागाकडून मत्स्यव्यवसाय विभागाकडे मासेमारी हक्काचे हस्तांतरण झालेले 0-500 हेक्टर पर्यंतचे तलाव शासन निर्णयानुसार जिल्हास्तरीय तलाव ठेका समितीमार्फत पात्र संस्थांना मासेमारीसाठी ठेक्याने देण्यात येतात. 2026-27 ते 2030-31 या पाच वर्ष कालावधीसाठी यवतमाळ जिल्ह्यातील 500 हेक्टरपर्यंतचे एकूण 13 तलाव मासेमारीसाठी ठेक्याने देण्यात येणार आहेत. त्यासाठी मत्स्यव्यवसाय सहकारी संस्थांकडून प्रस्ताव मागवण्यात आले आहे.

 

 

 

Lake fishing या 13 तलावांमध्ये तरोडा (ता. उमरखेड), खरद (ता. यवतमाळ) , मजरा (ता. राळेगाव), येडशी (ता. राळेगाव), राजूर (ता. कळंब), अर्जुना (ता. यवतमाळ), उमडा (ता. यवतमाळ), कापरा (ता. बाभूळगाव), डिगडोह (ता. राळेगाव), टाकळी (ता. यवतमाळ), करणवाडी (ता. केळापुर), पाचपहूर (ता. झरीजामणी), देवगाव (ता. आर्णी) हे तलाव मासेमारीकरीता ठेक्याने द्यावयाचे आहेत. या तलावांपैकी संबंधित तलावांसाठी नोंदणीनुसार, उपविधीतील कार्यक्षेत्रानुसार पात्र असणाèया मत्स्यव्यवसाय सहकारी संस्थांनी तलाव ठेका मागणी परिपूर्ण प्रस्ताव 11 मे रोजी सहाय्यक आयुक्त मत्स्यव्यवसाय (तां.) यांचे कार्यालय प्रशासकीय इमारत, पहिला माळा, जिल्हाधिकारी परिसर, यवतमाळ येथे सादर करावा. या प्रक्रियेत पात्रतेचे निकष तलाव ठेका शासन निर्णय 3 जुलै 2019 नुसार राहतील. अधिक माहितीसाठी या कार्यालयाशी प्रत्यक्ष संपर्क साधावा, असे आवाहन मत्स्यव्यवसाय विभागाच्या सहाय्यक आयुक्तांंनी केले आहे.