परफ्यूमच्या बाटलीमुळे भडकली आग, 4 जण जिवंत जळाले

Neemrana fire accident राजस्थानमधील नीमराणा परिसरात शुक्रवारी संध्याकाळी एका बेकायदेशीर भंगार गोदामाला लागलेल्या भीषण आगीत चार जणांचा जिवंत होरपळून मृत्यू झाल्याची दुर्दैवी घटना घडली आहे. मृतांमध्ये दोन लहान मुलांचा समावेश असून, एक महिला गंभीर जखमी आहे. या दुर्घटनेनंतर परिसरात शोककळा पसरली आहे.

 

 

प्राथमिक माहितीनुसार, या घटनेत दोन व्यक्ती अद्याप बेपत्ता असून, मृतांपैकी सर्वजण झारखंडचे रहिवासी असल्याचे स्पष्ट झाले आहे. मृतदेह इतके जळाले आहेत की त्यांची ओळख पटवण्यासाठी डीएनए चाचणीचा आधार घ्यावा लागणार आहे, असे प्रशासनाने सांगितले आहे.

 

 

ही आग सुमारे Neemrana fire accident  सायंकाळी पाच वाजण्याच्या सुमारास लागली. प्रत्यक्षदर्शींच्या मते, गोदामात ठेवलेल्या परफ्यूमच्या बाटल्यांमधून बाहेर पडलेल्या ज्वलनशील रसायनामुळे आग भडकली. या रसायनांमुळे काही वेळातच संपूर्ण गोदाम आगीच्या विळख्यात सापडले आणि तेथे ठेवलेल्या रासायनिक ड्रममध्येही स्फोट झाले. या स्फोटांमुळे परिसरात दहशतीचे वातावरण निर्माण झाले.पोलिसांच्या माहितीनुसार, हे गोदाम शेतजमिनीवर बेकायदेशीरपणे उभारण्यात आले होते आणि ते भंगार व्यवसायाशी संबंधित करण सिंग, मामन सिंग कोलीला यांना भाड्याने दिले गेले होते. घटनेच्या वेळी कामगार भंगारात आलेल्या परफ्यूमच्या बाटल्या फोडत होते, ज्यातून स्पिरिटसारखे ज्वलनशील पदार्थ बाहेर पडत होते. त्याच वेळी पिकअप वाहनाचा चालक तेथे आला आणि त्याने बिडी पेटवून जळती काडी फेकल्याने आग भडकल्याचा आरोप केला जात आहे.

 

 

आग इतकी भीषण होती Neemrana fire accident  की सुमारे एक किलोमीटर अंतरावरूनही ज्वाळा दिसत होत्या. अनेक तास परिसरात काळा धूर पसरलेला होता. अग्निशमन दलाला आग आटोक्यात आणण्यासाठी सुमारे चार तासांचा कालावधी लागला. या दरम्यान गोदामात सात जण उपस्थित होते, ज्यात महिला आणि लहान मुलांचाही समावेश होता.घटनेनंतर केलेल्या शोधमोहीमेत गोदामात अडकलेल्या लोकांचा शोध घेण्यात आला. मिळालेल्या माहितीनुसार, दोन अल्पवयीन मुले आणि एक महिला मागील भागात लपली होती, मात्र आगीचा वेग इतका प्रचंड होता की टीनशेडचे खांब वितळून त्यांच्यावर कोसळले आणि ते बाहेर पडू शकले नाहीत.स्फोटांमुळे परिसर हादरून गेला होता. सुमारे पाच वेळा मोठे स्फोट झाल्याचे स्थानिकांनी सांगितले असून, यामुळे भीतीचे वातावरण पसरले. याआधीही या बेकायदेशीर गोदामाबाबत प्रशासनाकडे तक्रारी करण्यात आल्या होत्या, मात्र कोणतीही ठोस कारवाई न झाल्याचा आरोप स्थानिकांकडून करण्यात येत आहे.दरम्यान, चारही मृतदेह बहरोड जिल्हा रुग्णालयात ठेवण्यात आले असून, बेपत्ता व्यक्तींचा शोध सुरू आहे. या घटनेमुळे परिसरात मोठी खळबळ उडाली आहे. काही महिन्यांपूर्वीच नीमराणापासून जवळच असलेल्या भिवडी परिसरातही अशाच प्रकारच्या आगीत सात जणांचा मृत्यू झाला होता, ज्यामुळे औद्योगिक सुरक्षिततेवर पुन्हा प्रश्नचिन्ह निर्माण झाले आहे.