मतदानाआधी कोलकात्यात ईडीचा सर्जिकल स्ट्राइक!

kolkata-ed-raids : पश्चिम बंगालमध्ये दुसऱ्या टप्प्यातील मतदान जवळ येत असताना ईडीने मोठी कारवाई सुरू केली आहे. रविवारी सकाळी कोलकाता शहरातील आनंदपूर आणि अलीपूर या भागांत दोन मोठ्या व्यावसायिकांच्या घरांवर आणि कार्यालयांवर छापे टाकण्यात आले.

 

 

 

ही छापेमारी ‘सोनू पप्पू’ प्रकरणाशी संबंधित असल्याचे सांगितले जात आहे. ईडीची पथके सुरक्षा दलांसह सकाळी लवकरच व्यावसायिक कल्याण शुक्ला आणि संजय कानोरिया यांच्या ठिकाणी पोहोचली आणि तेथील कागदपत्रांची तपासणी सुरू केली.

या कारवाईमागे अलीकडेच अटक करण्यात आलेल्या व्यावसायिक जय कामदार यांचा मोठा संबंध असल्याचे समोर येत आहे. त्यांच्या मोबाईलमधील व्हॉट्सअॅप चॅटमध्ये अनेक संशयास्पद आर्थिक व्यवहार उघड झाल्याचा दावा केला जात आहे. या चॅटमध्ये काही महत्त्वाची नावे समोर आल्यानंतर ईडीने तातडीने ही छापेमारी केली. सध्या दोन्ही ठिकाणी तपास सुरू असून, पुढील चौकशीत आणखी धक्कादायक माहिती समोर येण्याची शक्यता व्यक्त केली जात आहे.