अंधश्रद्धा आणि गोविंदाचे करियर?

Govinda career ९० च्या दशकात हिंदी चित्रपटसृष्टीत आपल्या जबरदस्त डान्स आणि अभिनयाच्या जोरावर प्रेक्षकांच्या मनावर अधिराज्य गाजवणारा गोविंदा आज मात्र पडद्यावर फारसा दिसत नाही. एकामागून एक सुपरहिट चित्रपट देत बॉक्स ऑफिसवर राज्य करणाऱ्या गोविंदाने त्या काळात यशाची शिखरे गाठली होती. विशेषतः कादर खान यांच्यासोबतची त्याची जोडी प्रेक्षकांच्या विशेष पसंतीस उतरली होती. तसेच रवीना टंडन आणि करिश्मा कपूर यांच्यासोबतचे त्याचे चित्रपटही प्रचंड गाजले.

 

 

मात्र, जितक्या वेगाने त्याने यश संपादन केले, तितक्याच वेगाने त्याच्या कारकिर्दीत घसरण सुरू झाली. आज गोविंदा स्टेज शो किंवा विविध कार्यक्रमांमध्ये परफॉर्म करताना दिसतो. त्याच्या या डाउनफॉलमागे अनेक कारणे सांगितली जातात, ज्यामध्ये सेटवर उशिरा येणे आणि वेळेचे पालन न करणे ही प्रमुख कारणे मानली जातात.

दरम्यान, अभिनेता अश्विनी कौशल यांनी नुकत्याच दिलेल्या एका मुलाखतीत गोविंदाच्या करिअरमधील घसरणीबाबत भाष्य केले. सिद्धार्थ कनन यांना दिलेल्या मुलाखतीत त्यांनी अंधविश्वास हा गोविंदाच्या करिअरमधील मोठा अडथळा ठरल्याचे सांगितले. त्यांच्या मते, अंधश्रद्धेमुळे त्याच्या वागणुकीत आणि अॅटिट्यूडमध्ये बदल झाला, ज्याचा परिणाम त्याच्या व्यावसायिक आयुष्यावर झाला.

कौशल यांनी असेही Govinda career नमूद केले की, गोविंदा आजही पुनरागमन करू शकतो. तो अजूनही इतका वयस्कर नाही आणि योग्य भूमिका मिळाल्यास तो पुन्हा एकदा सुपरस्टार बनू शकतो. त्यांनी गोविंदाच्या प्रतिभेचे कौतुक करत त्याला ‘एंटरटेनमेंटचा देव’ असेही संबोधले.गोविंदाने काही वर्षांच्या विश्रांतीनंतर चित्रपटसृष्टीत पुनरागमन करण्याचा प्रयत्न केला होता. रंगीला राजा या चित्रपटातून त्याने पुन्हा प्रेक्षकांसमोर येण्याचा प्रयत्न केला, मात्र हा चित्रपट बॉक्स ऑफिसवर अपयशी ठरला. त्यामुळे त्याच्या कमबॅकच्या आशांना धक्का बसला.इंडस्ट्रीतील स्पर्धा आणि मत्सर यांचाही या घसरणीत काही अंशी वाटा असल्याचे मत व्यक्त केले जात आहे. मोठ्या स्टार्सच्या यशाकडे अनेकदा मत्सराने पाहिले जाते, असेही कौशल यांनी नमूद केले.आज जरी गोविंदाचा पडद्यावरील प्रभाव कमी झाला असला, तरी त्याच्या जुन्या चित्रपटांची जादू अजूनही कायम आहे. प्रेक्षकांच्या मनात त्याने निर्माण केलेली जागा आजही अबाधित आहे, आणि योग्य संधी मिळाल्यास तो पुन्हा एकदा रुपेरी पडद्यावर चमकू शकतो, अशी आशा त्याचे चाहते व्यक्त करत आहेत.