उन्हाळ्यात घर राहील कूल-कूल; जाणून घ्या सोप्या टिप्स

Stay cool in the house in summer उन्हाळ्याच्या दिवसांत वाढत्या तापमानामुळे घरातील वातावरणही असह्यपणे गरम होत जाते. दिवसभर पडणाऱ्या प्रखर उन्हामुळे भिंती, फरशी आणि छत तापून निघतात, त्यामुळे घरात बसणेही त्रासदायक ठरते. अनेकजण थंडावा मिळवण्यासाठी यंत्रांवर अवलंबून राहतात, मात्र काही साधे बदल करून घर नैसर्गिक पद्धतीनेही थंड ठेवता येऊ शकते.

 

सूर्यप्रकाश थेट घरात येऊ नये यासाठी खिडक्या आणि दरवाजांवर जाड व गडद पडदे लावणे उपयुक्त ठरते. यामुळे उष्णतेचा प्रवेश कमी होतो आणि घरात सौम्य प्रकाशासह गारवा टिकून राहतो. बाल्कनीत किंवा खिडक्यांबाहेर बांबूचे पडदे लावल्यास त्याचाही चांगला परिणाम दिसून येतो. Stay cool in the house in summer घरात हिरवळ वाढवणे हा आणखी एक प्रभावी उपाय आहे. घरात ठेवलेल्या झाडांमुळे वातावरणात ओलावा टिकतो आणि उष्णतेचा परिणाम काही प्रमाणात कमी होतो. यामुळे घरात नैसर्गिक थंडावा जाणवतो आणि वातावरणही ताजेतवाने राहते.

उन्हाळ्यात घरातील वस्त्रसामग्रीतही बदल करणे आवश्यक असते. गडद आणि जाड कपड्यांऐवजी हलक्या रंगाच्या आणि सुती चादरी, उशीचे अभ्रे व गालिचे वापरल्यास उष्णतेचा त्रास कमी जाणवतो. हलके रंग उष्णता कमी शोषतात, त्यामुळे घर अधिक आरामदायी वाटते. Stay cool in the house in summer छत आणि भिंतींवर उष्णतेचा परिणाम कमी करण्यासाठी त्यांना फिकट रंग देणे किंवा छतावर वेळोवेळी पाणी शिंपडणे फायदेशीर ठरते. यामुळे उष्णतेची तीव्रता कमी होऊन घरात गारवा टिकून राहतो.

 

तसेच, रात्रीच्या वेळी वातावरण थोडे थंड होत असल्याने खिडक्या आणि दरवाजे उघडे ठेवून हवा खेळती ठेवणेही गरजेचे आहे. ताजी हवा घरात आल्याने तापमान संतुलित राहते आणि उष्णतेचा त्रास कमी होतो. Stay cool in the house in summer अशा साध्या उपायांनी यंत्रांचा वापर कमी करतही घरात सुखद गारवा निर्माण करता येतो.