पश्चिम बंगाल एक्झिट पोल: पश्चिम बंगालमध्ये सत्ताबदलाची शक्यता?

West Bengal Election Exit Poll : पश्चिम बंगाल विधानसभा निवडणूक 2026 संदर्भात आलेल्या एक्झिट पोलमध्ये मोठा राजकीय उलथापालथीचा अंदाज व्यक्त करण्यात आला आहे. विविध सर्वेक्षणांनुसार, सत्ताधारी तृणमूल काँग्रेस (TMC) ला या वेळी मोठा फटका बसू शकतो, तर भारतीय जनता पक्ष (BJP) आघाडीवर असल्याचे संकेत मिळत आहेत.

 

 

 

काही एक्झिट पोलमध्ये भाजपला स्पष्ट बहुमत मिळण्याचा अंदाज वर्तवण्यात आला असून, TMC ला सुमारे 100-130 जागांपर्यंत मर्यादित राहावे लागू शकते, अशी शक्यता व्यक्त केली जात आहे.

मात्र, सर्व एक्झिट पोल एकमताने निकाल देत नसून काही सर्वेक्षणांमध्ये अजूनही TMC ला आघाडी मिळू शकते, असेही दर्शवले आहे. त्यामुळे अंतिम निकालाबाबत अनिश्चितता कायम आहे.

या निवडणुकीत BJP आणि TMC यांच्यात काट्याची टक्कर पाहायला मिळत असून, 15 वर्षांच्या सत्तेनंतर ममता बॅनर्जी यांच्या सरकारला मोठे आव्हान निर्माण झाले आहे.

दरम्यान, एक्झिट पोल हे केवळ अंदाज असतात आणि प्रत्यक्ष निकाल 4 मे रोजी मतमोजणीनंतर स्पष्ट होणार आहे. त्यामुळे अंतिम चित्र पाहण्यासाठी सर्वांचे लक्ष आता निकालाकडे लागले आहे.