कोकणात विकेंड ट्रॅफिक रश; महामार्गावर लांबच लांब रांगा

konkan-weekend-traffic-rush : उन्हाळी सुट्ट्यांची सुरुवात आणि सलग तीन दिवसांचा विकेंड यामुळे कोकणाकडे जाणाऱ्या मार्गांवर पर्यटकांचा ओघ प्रचंड वाढला आहे. याचा थेट परिणाम मुंबई-गोवा महामार्गावरील वाहतुकीवर दिसून येत असून, अनेक ठिकाणी कोंडी गंभीर अवस्थेत आहे.

 

 

 

 

माणगाव परिसरात बाजारपेठेतील अरुंद रस्ते, स्थानिक गर्दी आणि महामार्गावरील वाहनांचा वाढलेला ताण यामुळे वाहतूक अत्यंत संथ गतीने सुरू आहे. काही ठिकाणी वाहनांच्या रांगा अनेक किलोमीटरपर्यंत लागलेल्या दिसल्या, ज्यामुळे प्रवाशांना तासन्‌तास प्रवास करावा लागत आहे. विशेषतः लहान मुले, ज्येष्ठ नागरिक आणि महिलांसाठी हा प्रवास अधिकच त्रासदायक ठरत आहे.

 

कोकणाकडे जाणाऱ्या इतर मार्गांवरही परिस्थिती अशीच आहे. पोलिस आणि प्रशासन वाहतूक सुरळीत करण्यासाठी विशेष प्रयत्न करत आहेत, तसेच प्रवाशांना पर्यायी मार्ग वापरणे किंवा प्रवास टाळण्याचे आवाहन केले आहे. माणगाव बायपासचे काम पूर्ण होईपर्यंत ही ट्रॅफिकची समस्या कायम राहणार असल्याचे प्रशासनाने सांगितले आहे.