राजकारणात 'भूकंप' काँग्रेसची माघार, ठाकरे गटाला पाठिंबा

Harshvardhan Sapkal राज्यातील विधान परिषद निवडणुकीच्या पार्श्वभूमीवर महाविकास आघाडीत सुरू असलेल्या राजकीय घडामोडींना अखेर पूर्णविराम मिळाला आहे. शिवसेना (ठाकरे गट) कडून अंबादास दानवे यांना उमेदवारी जाहीर केल्यानंतर काँग्रेसची भूमिका काय असणार, याकडे सर्वांचे लक्ष लागले होते. अखेर उमेदवारी अर्ज दाखल करण्याच्या शेवटच्या दिवशी काँग्रेसने निवडणुकीतून माघार घेत ठाकरे गटाला पाठिंबा जाहीर केला आहे.

 

 

गुरुवारी महाविकास आघाडीची संयुक्त पत्रकार परिषद पार पडली. या वेळी काँग्रेसचे प्रदेशाध्यक्ष हर्षवर्धन सपकाळ यांनी पक्षाची अधिकृत भूमिका स्पष्ट केली. त्यांनी सांगितले की, शिवसेना (ठाकरे गट) प्रमुख उद्धव ठाकरे यांनी घेतलेल्या निर्णयाला काँग्रेसचा पूर्ण पाठिंबा आहे. त्यामुळे या निवडणुकीत काँग्रेस स्वतःचा उमेदवार उभा करणार नाही.विधान परिषदेसाठी उमेदवारीबाबत सुरुवातीला उद्धव ठाकरे यांचे नाव चर्चेत होते. अशा परिस्थितीत काँग्रेसनेही त्यांना पाठिंबा देण्याची तयारी दर्शवली होती. मात्र, ठाकरे गटाकडून अंबादास दानवे यांचे नाव जाहीर झाल्यानंतर आघाडीत काहीशी संभ्रमाची स्थिती निर्माण झाली होती. या पार्श्वभूमीवर काँग्रेसने अखेर समन्वयाची भूमिका घेत निवडणूक न लढवण्याचा निर्णय घेतला आहे.

दरम्यान, या प्रक्रियेदरम्यान Harshvardhan Sapkal संवादाच्या अभावाबाबत सपकाळ यांनी नाराजी व्यक्त केली. उमेदवारी जाहीर करण्यापूर्वी आघाडीतील सर्व पक्षांशी सविस्तर चर्चा होणे अपेक्षित होते, असे त्यांनी नमूद केले. तरीही महाविकास आघाडीची एकजूट कायम ठेवण्याच्या दृष्टीने काँग्रेसने हा निर्णय घेतल्याचे त्यांनी स्पष्ट केले.काँग्रेसच्या या निर्णयामुळे विधान परिषद निवडणुकीतील समीकरणे स्पष्ट झाली असून महाविकास आघाडीतील समन्वय अधिक मजबूत झाल्याचे चित्र दिसत आहे. आगामी काळात या एकजुटीचा राजकीय परिणाम काय होतो, याकडे आता राज्याच्या राजकारणाचे लक्ष लागले आहे.