इस्फहानमध्ये मोठी घडामोड; अमेरिकन विमान व दोन ब्लॅक हॉक पाडले! VIDEO

Iran US War : इस्रायल आणि अमेरिकेने इराणच्या इस्फहान अणुसुविधेवरील हल्ले तीव्र केले आहेत. रविवारी, इस्रायल आणि अमेरिकेने पाचव्यांदा इस्फहान अणुसुविधेला लक्ष्य केले. इराणने पाडलेल्या दोन ब्लॅक सी हॉक हेलिकॉप्टर आणि एका अमेरिकन विमानाचा व्हिडिओ पहिल्यांदाच समोर आला आहे. या व्हिडिओमध्ये इराणने इस्फहानमध्ये पाडलेल्या दोन अमेरिकन ब्लॅक सी हॉक हेलिकॉप्टरचे विखुरलेले आणि जळणारे अवशेष स्पष्टपणे दिसत आहेत. व्हिडिओमध्ये अमेरिकेच्या सी-१३० लष्करी वाहतूक विमानाचे अवशेषही दिसत आहेत, ज्यामुळे इराणी लष्कराचा दावा खरा ठरत आहे.

 

 

 

 

RT.com ने इराणच्या इस्फहान अणुसुविधेचा एक व्हिडिओ प्रसिद्ध केला आहे. त्यात म्हटले आहे की, इराणने इस्फहानमध्ये पाडलेल्या दोन अमेरिकन ब्लॅक सी हॉक हेलिकॉप्टर आणि एका अमेरिकन सी-१३० लष्करी वाहतूक विमानाचा हा पहिला व्हिडिओ आहे. इराणने त्यांना दक्षिण इस्फहान प्रदेशात पाडले. तथापि, इराणने ही दोन हेलिकॉप्टर शनिवारी पाडली की रविवारी, हे अद्याप कळलेले नाही. मात्र, हेलिकॉप्टरचे अवशेष सापडल्याने अमेरिकेचे मोठे नुकसान झाल्याचे निश्चित झाले आहे.

 

 

सौजन्य: सोशल मीडिया 

 

गेल्या ३६ तासांत इराणने युद्धात अमेरिकेचे मोठे नुकसान केले आहे. या काळात, त्यांनी अमेरिकेची दोन एफ-१५ई लढाऊ विमाने, एक ए-१० विमान, अनेक हेलिकॉप्टर आणि ड्रोन पाडले आहेत. यामध्ये अमेरिकेच्या एका ब्लॅक सी हॉक आणि एका चिनूक हेलिकॉप्टरचा समावेश आहे. याव्यतिरिक्त, या हल्ल्यात एक एमक्यू-९ ड्रोन देखील नष्ट करण्यात आला.