पेट्रोलियमचा तीव्र तुटवडा, दर आठवड्याला दोन दिवसांची सुट्टी जाहीर

Israel US Iran War : इस्रायल-अमेरिका आणि इराण यांच्यातील युद्धामुळे नेपाळमध्ये पेट्रोल आणि डिझेलचा तीव्र तुटवडा निर्माण झाला आहे. परिणामी, लोकांना पेट्रोल आणि डिझेल सहज मिळत नाही. या संकटावर मात करण्यासाठी, नेपाळ सरकारच्या मंत्रिमंडळाने तुटवडा लक्षणीयरीत्या कमी करण्याच्या उद्देशाने दर आठवड्याला दोन दिवसांची सुट्टी जाहीर केली आहे.

 

 

 

 

 

पेट्रोलियमच्या तुटवड्यावर तोडगा काढण्यासाठी नेपाळचे पंतप्रधान बलेंद्र शाह यांनी एक बैठक बोलावली. या बैठकीदरम्यान, त्यांनी तुटवडा कमी करण्यासाठी आणि पेट्रोल व डिझेलचा वापर कमी करण्यासाठी दर आठवड्याला दोन दिवसांची सुट्टी जाहीर केली. इस्रायल-अमेरिका आणि इराण यांच्यातील युद्धामुळे जगभरात पेट्रोल आणि डिझेलचा तीव्र तुटवडा निर्माण झाला असून, त्यांच्या किमती गगनाला भिडल्या आहेत. होर्मुझच्या सामुद्रधुनीतून जगाला २०-२५ टक्के गॅस आणि पेट्रोलियम उत्पादनांचा पुरवठा होतो, परंतु इराणने या सामुद्रधुनीवर घातलेल्या नाकेबंदीमुळे ही परिस्थिती निर्माण झाली आहे.