महाठग सुकेश चंद्रशेखरला जामीन मंजूर

Sukesh Chandrasekhar granted bail दिल्लीत राऊस ॲव्हेन्यू कोर्टाने प्रसिद्ध फसवणूक प्रकरणातील सुकेश चंद्रशेखरला जामीन मंजूर केला आहे. सुकेशवर पीएमएलए म्हणजेच मनी लाँडरिंग प्रकरण अंतर्गत कारवाई होत आहे. हा प्रकरण विशेषतः एआयएडीएमकेच्या निवडणूक चिन्हाशी संबंधित कथित लाचखोरी आणि फसवणुकीशी जोडलेले आहे. सद्यस्थितीत, सुकेश तुरुंगातच राहणार आहे. त्याच्यावर एकूण ३१ गुन्हे दाखल आहेत. त्यापैकी २६ प्रकरणांमध्ये त्याला जामीन मिळालेला आहे, तर उर्वरित पाच प्रकरणांमध्ये अद्याप जामीन मंजूर झाला नाही.

 

 

 

 

सुकेश चंद्रशेखर फसवणुकीच्या प्रकरणात एक अत्यंत चालाक खेळाडू मानला जातो. कर्नाटकातील बंगळूर येथे जन्मलेल्या सुकेशने बिशप कॉटन बॉईज स्कूलमध्ये शिक्षण घेतले आणि नंतर मदुराई विद्यापीठातून पदवी संपादन केली. त्याचे लग्न अभिनेत्री लीना मारिया पॉलशी झाले आहे. लीना फक्त त्याची जीवनसाथी नाही, तर अनेक फसवणुकीच्या प्रकरणांमध्ये त्याची प्रमुख साथीदारही आहे. सुकेशची फसवणुकीची कारकिर्दी अगदी लहान वयातच सुरू झाली होती. अवघ्या १७ वर्षांच्या वयात त्याला पहिल्यांदा अटक झाली होती, तेव्हा त्याने जवळच्या कौटुंबिक मित्राची दीड कोटी रुपयांची फसवणूक केली होती. त्याचबरोबर सुकेश बॉलिवूडमधील काही नामांकित व्यक्तींशी जोडला जात असे आणि उच्चभ्रू सामाजिक वर्तुळात त्याचे नाव नेहमी चर्चेत राहायचे. त्यामुळे तो फसवणुकीच्या जगात आणि समाजात सतत चर्चेत राहिला आहे.