ड्रंक ड्रायव्हिंगचा थरार; चालकाला पोलिसांनी वेळीच पकडलं आणि धु-धु धुतलं! VIDEO
Total Views |
पुणे,
pune-drunk-driving : पुण्यातील वारजे परिसरात मद्यधुंद चालकाच्या बेफाम वाहनचालनामुळे एक धक्कादायक आणि थरारक घटना घडली आहे. या संपूर्ण प्रकाराचा व्हिडिओ सोशल मीडियावर व्हायरल होत असून, काही काळ परिसरात भीतीचे वातावरण निर्माण झाले होते.
सौजन्य: AI
मिळालेल्या माहितीनुसार, संबंधित चालक उत्तमनगरकडून वारजेकडे येत असताना अतिवेगाने आणि निष्काळजीपणे वाहन चालवत होता. दारूच्या नशेत असलेल्या या चालकाने रस्त्यातील काही वाहनांना धडक दिल्याची माहिती समोर आली आहे. त्यामुळे रस्त्यावर असलेल्या नागरिकांमध्ये घबराट पसरली.
घटनेची माहिती मिळताच पोलिसांनी तातडीने घटनास्थळी धाव घेतली आणि वाहन थांबवण्याचा प्रयत्न केला. मात्र, चालकाने पोलिसांच्या सूचनांकडे दुर्लक्ष करत वाहन थांबवले नाही. इतकेच नव्हे, तर त्याने एका पोलिसालाच गाडीत ओढून नेण्याचा प्रयत्न केल्याने परिस्थिती अधिकच गंभीर झाली.
सुदैवाने पोलिसांच्या सतर्कतेमुळे मोठा अपघात टळला. उत्तमनगर पोलिसांनी तत्काळ कारवाई करत आरोपी चालकाला ताब्यात घेतले. या घटनेनंतर संतप्त झालेल्या काही पोलिसांनी त्याला रस्त्यावरच मारहाण केल्याची माहिती समोर येत आहे.
या घटनेमुळे शहरात मद्यपान करून वाहन चालवण्याच्या वाढत्या घटनांबाबत पुन्हा चिंता व्यक्त केली जात आहे. पोलिसांनी नागरिकांना वाहतूक नियमांचे काटेकोर पालन करण्याचे आणि जबाबदारीने वाहन चालवण्याचे आवाहन केले आहे.
सौजन्य: सोशल मीडिया