एअर इंडियाचा मोठा वार! ३ वर्षांत १००० जणांचा सुटला आधार

air-india-lays-off-employees : टाटा समूहाच्या मालकीची विमान कंपनी 'एअर इंडिया' गेल्या काही काळापासून कायापालट आणि विस्ताराच्या प्रक्रियेतून जात आहे. मात्र, याच दरम्यान कंपनीने गेल्या तीन वर्षांत १००० हून अधिक कर्मचाऱ्यांना कामावरून कमी केले आहे. एअर इंडियाचे मुख्य कार्यकारी अधिकारी कॅम्पबेल विल्सन यांनी नुकतेच या कर्मचारी कपातीमागचे नेमके कारण स्पष्ट केले आहे.

 

 

 

कॅम्पबेल विल्सन यांच्या मते, ही कर्मचारी कपात कंपनीच्या 'रिस्ट्रक्चरिंग' (पुनर्रचना) प्रक्रियेचा एक भाग आहे. टाटा समूहाने एअर इंडियाची सूत्रे हाती घेतल्यापासून कंपनीला अधिक कार्यक्षम आणि स्पर्धात्मक बनवण्याचे प्रयत्न सुरू आहेत. ज्या कर्मचाऱ्यांना कामावरून कमी करण्यात आले आहे, त्यापैकी बहुतेकांनी स्वेच्छानिवृत्ती योजना निवडली होती किंवा ज्यांच्या भूमिका आता कंपनीच्या नवीन कार्यपद्धतीत आवश्यक उरल्या नव्हत्या.

एअर इंडिया सध्या आपल्या ताफ्यात नवीन विमाने सामील करत आहे आणि तंत्रज्ञानामध्ये मोठी गुंतवणूक करत आहे. "आम्ही जुन्या पद्धती बदलून एअर इंडियाला जागतिक स्तरावरील एअरलाइन बनवत आहोत. यामध्ये काही भूमिकांची पुनर्रचना करणे अनिवार्य होते," असे विल्सन यांनी नमूद केले.

एका बाजूला कर्मचारी कपात होत असतानाच, एअर इंडिया मोठ्या प्रमाणावर नवीन वैमानिक, केबिन क्रू आणि इंजिनिअर्सची भरती देखील करत आहे. कंपनीला आधुनिक बनवण्यासाठी नवीन रक्ताची आणि कौशल्याची गरज असल्याचेही व्यवस्थापनाने स्पष्ट केले आहे.