तिसऱ्या दिवशी पावसामुळे थांबला खेळ

bangladesh-vs-pakistan : पहिल्या दिवशी उत्कृष्ट फलंदाजी करून बांगलादेशने सामन्यावर आपली पकड घट्ट केली होती, पण दुसऱ्या दिवशी पाकिस्तानने जोरदार पुनरागमन करत सामन्याचे चित्रच पालटले. आता तिसऱ्या दिवसाचा खेळ सुरू आहे. अझान अवैसने आपले शतक पूर्ण केले आहे. तत्पूर्वी, दुसऱ्या दिवसाचा खेळ संपताना तो ८५ धावांवर नाबाद होता. पाकिस्तानने एक गडी गमावून २०० हून अधिक धावा केल्या आहेत.

 

 

 

 

बांग्लादेशचा पहिला डाव ४१३ धावांवर रोखण्यात आला होता. त्यानंतर, युवा पदार्पण करणारा सलामीवीर अझान अवैसने नाबाद खेळी करून पाकिस्तानला मजबूत स्थितीत आणले. दुसऱ्या दिवसाचा खेळ संपेपर्यंत पाकिस्तानने एक गडी गमावून १७९ धावा केल्या होत्या. पहिल्या कसोटीच्या दुसऱ्या दिवशी, बांगलादेशने ३०१/४ वरून आपला डाव पुन्हा सुरू केला आणि मोठी धावसंख्या उभारण्याचा प्रयत्न केला, पण मोहम्मद अब्बासने शानदार गोलंदाजी करत यजमानांना ४१३ धावांवर रोखले. अब्बासने ९२ धावांत ५ बळी घेत पाकिस्तानला सामन्यात पुनरागमन करण्यास मदत केली. त्याचा अचूक टप्पा आणि दिशा बांगलादेशच्या फलंदाजांसाठी खूपच प्रभावी ठरली.

त्यानंतर पाकिस्तानने दमदार सुरुवात केली. आंतरराष्ट्रीय पदार्पण करणारा अझान अवैस निर्भयपणे फलंदाजी करत नाबाद ८५ धावा केल्या. त्याने अनुभवी सलामीवीर इमाम-उल-हकसोबत १०६ धावांची भक्कम सलामीची भागीदारी केली. ऑफ-स्पिनर मेहदी हसनने इमाम-उल-हकला ४५ धावांवर पायचीत केले. आणखी एक पदार्पण करणारा खेळाडू, अब्दुल्ला फजल, देखील चांगल्या लयीत दिसत होता आणि दिवसाचा खेळ संपताना तो ३७ धावांवर नाबाद राहिला.