गुजरातमध्ये पूर्ण, तेलंगणात अर्धा; मोदींनी उघडला भ्रष्टाचाराचा पडदा!

pm-modi : पंतप्रधान मोदी यांनी हैदराबादमध्ये ९,४०० कोटी रुपयांच्या विकास प्रकल्पांचे उद्घाटन आणि पायाभरणी केली. पंतप्रधान मोदी यांनी रविवारी हैदराबादमधील एचआयसीसी (HICC) येथे डिजिटल पद्धतीने विकास प्रकल्पांचे उद्घाटन केले. तेलंगणाचे राज्यपाल शिव प्रताप शुक्ला, मुख्यमंत्री ए. रेवंत रेड्डी, केंद्रीय मंत्री जी. किशन रेड्डी आणि इतर अनेक नेते हैदराबाद इंटरनॅशनल कन्व्हेन्शन सेंटरमध्ये उपस्थित होते. या कार्यक्रमात बोलताना पंतप्रधानांनी तेलंगणा सरकारमधील भ्रष्टाचारावरून मुख्यमंत्री रेवंत रेड्डी यांच्यावर टीका केली. ते म्हणाले की, त्यांनी गुजरातला जसा निधी दिला, तसाच तेलंगणालाही देण्यास ते तयार आहेत, पण तो निधी इथे पोहोचेपर्यंत निम्मा झालेला असतो. पंतप्रधान मोदींच्या वक्तव्यावर तेलंगणाचे मुख्यमंत्री हसताना दिसले.

 

 

 

 

 

पंतप्रधान मोदींनी हैदराबाद-पणजी आर्थिक कॉरिडॉरवरील गुडेबेलूर ते महबूबनगर दरम्यानच्या राष्ट्रीय महामार्ग १६७ च्या चौपदरीकरणासह अनेक प्रकल्पांची पायाभरणी केली. त्यांनी रेल्वेच्या काझीपेट-विजयवाडा मल्टी-ट्रॅकिंग प्रकल्पाच्या विविध विभागांचे, हैदराबादमधील ग्रीनफिल्ड पीओएल (पेट्रोलियम, तेल, वंगण) टर्मिनलचे, काझीपेट रेल अंडर रेल बायपासचे आणि वारंगलमधील पीएम मित्र पार्क (काकतीय मेगा टेक्सटाईल पार्क) यांचेही उद्घाटन केले. अंदाजे ₹१,७०० कोटी खर्चाने विकसित केलेले काकतीय मेगा टेक्सटाईल पार्क हे भारतातील पहिले पूर्णपणे कार्यरत असलेले पीएम मित्र पार्क आहे.

 

 

पंतप्रधान मोदी हैदराबादमध्ये म्हणाले, "भारत आज सुधारणांच्या एक्सप्रेसवर स्वार आहे, तसेच आधुनिक पायाभूत सुविधांची उभारणीही करत आहे. तेलंगणामधील विकास प्रकल्पांच्या पायाभरणी आणि उद्घाटनामुळे हजारो रोजगाराच्या संधी निर्माण होतील. राज्यांच्या विकासाशिवाय राष्ट्रीय प्रगती अशक्य आहे." पंतप्रधान म्हणाले की, तेलंगणातील प्रत्येक कुटुंबाला ते आश्वासन देऊ इच्छितात की, त्यांची स्वप्ने साकार करण्यासाठी केंद्र सरकार अधिक वेगाने काम करत राहील.