कंपनीच्या नाेंदवहीत नाव नसले तरी गुंतवणूकदाराला ‘सदस्य’ दर्जा

Supreme Court कंपनीच्या सदस्य नाेंदवहीत नाव नसले तरी कंपनीने एखाद्या गुंतवणूकदाराला सातत्याने भागधारक किंवा हितसंबंधित व्यक्ती म्हणून मान्यता दिली असल्यास त्याला कंपनीचा ‘सदस्य’ मानता येऊ शकते, असा महत्त्वपूर्ण निर्णय सर्वाेच्च न्यायालयाने दिला आहे. कंपनी कायदा 1956 अंतर्गत दडपशाही आणि गैरव्यवस्थापनाविराेधातील कारवाईसंदर्भात हा निर्णय देण्यात आला. न्यायमूर्ती नरसिंहा आणि न्यायमूर्ती आलाेक आराधे यांच्या न्यायपीठाने डाॅ. बैस सर्जिकल अँड मेडिकल इन्स्टिट्यूट प्रा. लि. आणि त्यांच्या संचालकांची अपिले फेटाळून गुंतवणूकदार धनंजय पांडे यांच्या बाजूने निर्णय कायम ठेवला.

 

 

 

न्यायालयाने म्हटले की, कंपनी कायद्याच्या कलम 397, 398 आणि 399 चा एकत्रित विचार केल्यास ’सदस्य’ या शब्दाचा केवळ तांत्रिक अर्थ घेता येणार नाही. दडपशाही आणि गैरव्यवस्थापनाविराेधातील कारवाई ही न्यायनिष्ठ स्वरूपाची असल्याने ‘सदस्य’ या शब्दाचा व्यापक अर्थ लावणे आवश्यक आहे. हे प्रकरण 1994 मध्ये स्थापन झालेल्या डाॅ. बैस सर्जिकल अँड मेडिकल इन्स्टिट्यूट कंपनीशी संबंधित आहे. Supreme Court आर्थिक अडचणीत आलेल्या रुग्णालयासाठी धनंजय पांडे यांनी माेठी आर्थिक गुंतवणूक केली हाेती. त्यानंतर त्यांची व्यवस्थापकीय संचालक म्हणून नियुक्ती करण्यात आली आणि रुग्णालयाचे नाव बदलून ‘एकवीरा हार्ट इन्स्टिट्यूट’ असे ठेवण्यात आले.