सुप्रिया सुळे यांच्या कारला मुंबई पुणे एक्सप्रेस वे वर अपघात

Supriya Sule राष्ट्रवादीच्या नेत्या, बारामतीच्या खासदार सुप्रिया सुळे यांच्या कारला अपघात झाला आहे. मुंबई पुणे एक्सप्रेस वे वर त्यांच्या कारला अपघात झाल्याचे समजते. एका बेजबाबदार चालकाने त्यांच्या कारला बाजूने धडक दिल्याने हा अपघात घडला. सुदैवाने, या घटनेत कोणालाही दुखापत झालेली नसून सर्वजण सुरक्षित आहेत.

 

 

Supriya Sule सुप्रिया सुळे आज कामानिमित्त पुण्याहून मुंबईच्या दिशेने प्रवास करत होत्या. महामार्गावर प्रवास सुरू असताना जीजे13सीएफ 5257 या क्रमांकाच्या एका वाहनाने सुळे यांच्या कारला बाजूने जोरदार धडक दिली. समोरच्या चालकाचे वाहनावरील नियंत्रण सुटल्याने किंवा निष्काळजीपणे गाडी चालवल्यामुळे हा अपघात झाल्याचे सुप्रिया सुळे यांनी सांगितले.

Supriya Sule आज पुणे ते मुंबई प्रवास करत असताना, महामार्गावर जीजे13सीएफ 5257 या वाहनाने बेदरकारपणे गाडी चालवल्यामुळे माझ्या गाडीला बाजूने धडक दिली. हा एक अत्यंत वाईट अनुभव होता. सुदैवाने, सर्वजण सुरक्षित आहेत.

Supriya Sule अशा घटना आपल्याला याची जाणीव करून देतात की, रस्त्यावरील अतिवेग आणि निष्काळजीपणामुळे असंख्य लोकांचे प्राण धोक्यात येऊ शकतात. मी सर्वांना विनंती करतो की, सीट बेल्टचा वापर करा, सतर्क राहा आणि जबाबदारीने वाहन चालवा, जेणेकरून आपले महामार्ग सर्वांसाठी सुरक्षित राहतील, असे सुप्रिया सुळे म्हणाल्या.