यूपीएससी भरती २०२६, गट ‘अ’ आणि गट ‘ब’ पदांसाठी मोठी संधी

upsc recruitment 2026 केंद्रीय लोकसेवा आयोगाने (UPSC) २०२६ साठी गट ‘अ’ आणि गट ‘ब’ राजपत्रित पदांसाठी नवीन भरती जाहीर केली आहे. सरकारी नोकरीचे स्वप्न पाहणाऱ्या तरुणांसाठी ही एक महत्त्वाची संधी मानली जात आहे. निवड झालेल्या उमेदवारांना केंद्र सरकारच्या विविध मंत्रालये आणि विभागांमध्ये थेट नियुक्ती मिळणार आहे.

 

 

 

 

UPSC च्या जाहिरात क्रमांक ०४/२०२६ अंतर्गत एकूण ४५ पदांसाठी ही भरती प्रक्रिया राबवली जाणार आहे. यामध्ये सहाय्यक ग्रंथालय आणि माहिती अधिकारी (कन्नड भाषा), कॉलेज ऑफ मिलिटरी इंजिनिअरिंग, पुणे येथील सहयोगी प्राध्यापक आणि सहाय्यक प्राध्यापक, संरक्षण मंत्रालयातील अनुवादक (चिनी आणि तिबेटी), डीआरडीओमधील वरिष्ठ प्रशासकीय अधिकारी ग्रेड-२, इंडियन ब्युरो ऑफ माइन्समधील सहाय्यक खाण अभियंता आणि सहाय्यक संशोधन अधिकारी तसेच लडाख प्रशासनातील लेखा अधिकारी अशा विविध पदांचा समावेश आहे.

या भरतीमध्ये डीआरडीओतील वरिष्ठ प्रशासकीय अधिकारी ग्रेड-२ या पदासाठी सर्वाधिक २९ जागा उपलब्ध आहेत, तर इतर पदांसाठी प्रत्येकी एक किंवा मर्यादित जागा राखीव आहेत. केंद्र सरकारच्या महत्त्वाच्या विभागांमध्ये काम करण्याची संधी असल्याने ही भरती विशेष महत्त्वाची ठरत आहे.

अर्ज प्रक्रिया ९ मे २०२६ पासून सुरू झाली असून उमेदवार UPSC च्या अधिकृत संकेतस्थळावरून ऑनलाइन अर्ज करू शकतात. अर्ज करण्याची अंतिम तारीख २९ मे २०२६ सायंकाळी ६ वाजेपर्यंत निश्चित करण्यात आली आहे. आयोगाने स्पष्ट केले आहे की अंतिम तारखेपर्यंत प्राप्त झालेल्या अर्जांचाच विचार केला जाईल.

या भरतीसाठी उमेदवारांची निवड शॉर्टलिस्टिंग, लेखी चाचणी आणि मुलाखतीच्या आधारे केली जाणार आहे. पदानुसार वयोमर्यादा ३० ते ४५ वर्षांदरम्यान ठेवण्यात आली आहे, तर राखीव प्रवर्गातील उमेदवारांना नियमांनुसार सवलत मिळणार आहे. काही पदांसाठी संबंधित क्षेत्रातील अनुभव आणि विशिष्ट शैक्षणिक पात्रता आवश्यक असणार आहे.

निवड झालेल्या उमेदवारांना लेव्हल ७ ते लेव्हल १० तसेच लेव्हल १० ते १३A१ या वेतनश्रेणीप्रमाणे आकर्षक पगार मिळणार आहे. दीर्घकाळापासून सरकारी नोकरीची तयारी करणाऱ्या उमेदवारांसाठी ही एक मोठी संधी मानली जात आहे. अधिकृत अधिसूचना काळजीपूर्वक वाचूनच अर्ज करावा, असे आवाहन UPSC कडून करण्यात आले आहे.