फडणवीसांचा मोठा 'हाथ', आखाड्यांना ५ कोटींची साथ!
मुख्यमंत्री देवेंद्र फडणवीस यांची घोषणा
Total Views |
मुंबई,
devendra-fadnavis : नाशिक येथे होणाऱ्या आगामी सिंहस्थ कुंभमेळ्याच्या पार्श्वभूमीवर राज्य सरकारने आखाड्यांच्या सोयी-सुविधांसाठी मोठा निर्णय घेतला आहे. मुख्यमंत्री देवेंद्र फडणवीस यांनी कुंभमेळ्यातील प्रत्येक आखाड्याला ५ कोटी रुपयांचा विशेष निधी देण्याची घोषणा केली आहे. या निर्णयामुळे साधू-महंतांमध्ये आनंदाचे वातावरण असून कुंभमेळ्याच्या तयारीला आता अधिक वेग येणार आहे.
आगामी सिंहस्थ कुंभमेळा भव्य आणि शिस्तबद्ध पद्धतीने पार पडण्यासाठी सरकारकडून विविध विकासकामे हाती घेण्यात आली आहेत. कुंभमेळ्यात देशभरातून येणारे साधू-संत आणि भाविकांची संख्या लक्षात घेता, आखाड्यांच्या ठिकाणी मूलभूत सुविधा, निवास व्यवस्था आणि स्वच्छतेची कामे पूर्ण करण्यासाठी हा निधी अत्यंत महत्त्वाचा ठरणार आहे. प्रत्येक आखाड्याला स्वतंत्रपणे ५ कोटी रुपये मिळाल्याने तेथील पायाभूत सुविधांचा दर्जा सुधारण्यास मदत होईल.
मुख्यमंत्र्यांनी स्पष्ट केले की, कुंभमेळा हा केवळ धार्मिक उत्सव नसून तो राज्याच्या सांस्कृतिक वैभवाचा प्रतीक आहे. त्यामुळे भाविकांना कोणतीही उणीव भासू नये, यासाठी प्रशासन सर्वतोपरी प्रयत्न करत आहे. या निधीच्या वितरणासोबतच रस्ते विकास, पाणीपुरवठा आणि सुरक्षिततेच्या कामांचाही आढावा घेण्यात आला आहे. आखाड्यांना दिलेल्या या भरीव मदतीबद्दल साधू-संतांनी समाधान व्यक्त केले असून, या निर्णयामुळे कुंभमेळ्याच्या नियोजनाला मोठे बळ मिळणार आहे.