वर्धा युवक काँग्रेस अध्यक्षपदासाठी १४ इच्छुक मैदानात

Wardha Youth Congress President वर्धा जिल्हा युवक काँग्रेस अध्यक्षपदासाठी स्थानिक शासकीय विश्रामगृहात आज १३ रोजी पदाधिकार्‍यांच्या मुलाखती घेण्यात आल्या. जिल्ह्यातील १४ पदाधिकार्‍यांनी मुलाखती दिल्या. महाराष्ट्र प्रदेश युवक काँग्रेसचे उपाध्यक्ष व विभागीय प्रभारी कपिल ढोके यांच्या अध्यक्षतेखाली तर महाराष्ट्र प्रदेश युवक काँग्रेसचे सरचिटणीस व वर्धा जिल्हा प्रभारी सागर चव्हाण, महाराष्ट्र प्रदेश युवक काँग्रेसच्या सचिव व वर्धा जिल्हा सहप्रभारी आयुषी देशमुख यांच्या उपस्थितीत मुलाखती घेण्यात आल्या.

 

 

 

 

निवड प्रक्रिया पूर्णतः गुणवत्ता व पात्रतेच्या आधारावर करण्यात येणार असून येत्या एका महिन्यात नवीन जिल्हाध्यक्ष, विधानसभाध्यक्ष, तालुकाध्यक्ष व संपूर्ण जिल्हा कार्यकारिणी लवकरंच जाहीर करण्यात येईल अशी माहिती मुलाखतीनंतर पत्रकारांशी संवाद साधतांना कपिल ढोके ह्यांनी दिली. यावेळी प्रदेश सचिव अफजल बेरा, अंकुश मुंजेवर उपस्थित होते.