सुरेंद्रनगरमध्ये ट्रकसोबत धडक झाल्यानंतर बसला आग, चौघांचा मृत्यू; १० जण जखमी

bus truck accident गुजरातमध्ये चोटिला-राजकोट महामार्गावर काल रात्री उशिरा एक भीषण अपघात घडला. राजकोटहून चोटिलाकडे जाणाऱ्या एका खासगी बसची डांबराने भरलेल्या ट्रकशी धडक झाली. या धडकेनंतर बसला आग लागली. यात चौघांचा मृत्यू झाला असून अंदाजे १५ जण गंभीर जखमी झाले आहेत.

 

 

 

 

सुरेंद्रनगरमधील चोटिला येथील खोलिया गावाजवळ महामार्गावर काल रात्री उशिरा एक खासगी बस आणि डांबराने भरलेल्या ट्रकची धडक झाली. ट्रकचा एक टायर फुटल्याने मागून येणाऱ्या खासगी बसची त्याला धडक बसली. उपअधीक्षक एस. एस. भदोरिया यांनी सांगितले की, ही घटना चोटिला-राजकोट राष्ट्रीय महामार्गावर संगानी गावाजवळ पहाटे १:३० च्या सुमारास घडली.

अहमदाबादहून राजकोटला जाणाऱ्या खासगी लक्झरी बसची डांबराने भरलेल्या टँकरशी धडक झाली. चोटिलाजवळ झालेल्या धडकेनंतर बसला आग लागली. भदौरिया यांनी सांगितले की, बसमध्ये सुमारे ४० प्रवासी होते, त्यापैकी अनेकांना वाचवण्यात आले. bus truck accident खाजगी बस आणि डांबराच्या टँकरमध्ये झालेल्या धडकेत चार प्रवासी जिवंत जळाले, असे उप जिल्हाधिकारी एच. टी. मकवाना यांनी सांगितले.

पोलिसांच्या माहितीनुसार, या घटनेत दहा जण जखमी झाले आहेत

मकवाना यांनी सांगितले की, जखमींना राजकोट सिव्हिल हॉस्पिटलमध्ये दाखल करण्यात आले असून, मृतदेह शवविच्छेदनासाठी चोटिला रेफरल हॉस्पिटलमध्ये पाठवण्यात आले आहेत. माहिती मिळताच अग्निशमन दलाचे पथक तात्काळ घटनास्थळी पोहोचले आणि त्यांनी आगीवर नियंत्रण मिळवले.