यवतमाळ-नांदेड रेल्वेमार्ग प्रकल्पातील सर्वात लांब बोगद्याचे यशस्वी ‘ब्रेक-थ्रू’

yavatmal-nanded-railway-project : यवतमाळ नांदेड नवीन ब्रॉडगेज रेल्वे मार्ग प्रकल्पाच्या पॅकेज3बी अंतर्गत 2.740 किमी लांबीच्या बोगद्याचे यशस्वी ‘ब्रेक-थ्रूू’ पूर्ण करण्यात आले असून, हा प्रकल्पासाठी एक महत्त्वपूर्ण टप्पा मानला जात आहे. या ब्रेक-थ्रू कार्यक्रमाला रेल विकास निगम लिमिटेडचे मुख्य कार्यकारी संचालक अनुराग गुप्ता, रेल्वे विकास निगम लिमिटेडचे मुख्य प्रकल्प व्यवस्थापक मूर्ती व प्रमुख संचालक दिनेश, सुषी इन्फ्रा अँड मायनिंग लिमिटेडचे व्यवस्थापकीय संचालक संकीर्थ रेड्डी आणि उपाविभागीय अधिकारी आशिष बिजवल उपस्थित होते.

 

 

 

या प्रसंगी उपस्थित सर्व मान्यवरांनी सुषी इन्फ्रा अँड मायनिंगच्या कार्याचे कौतुक करत, अल्पावधीत उच्च दर्जाची सुरक्षितता व गुणवत्ता कायम ठेवत बोगद्याचे उत्खनन कार्य पूर्ण केल्याबद्दल अभिनंदन केले. या महत्त्वपूर्ण बोगद्याच्या ब्रेक-थ्रूचे यश हे यवतमाळनांदेड नवीन ब्रॉडगेज रेल्वेमार्ग प्रकल्पासाठी एक ऐतिहासिक व मैलाचा दगड ठरणारे यश मानले जात आहे.