दिल्ली, राजस्थानविरुद्ध सामन्याचे चित्र पालटू शकेल का?

IPL 2026 दिल्ली कॅपिटल्स आणि राजस्थान रॉयल्स हे संघ दिल्लीतील अरुण जेटली स्टेडियमवर आयपीएल 2026 च्या एका अत्यंत महत्त्वाच्या सामन्यात आमनेसामने येणार आहेत. रविवारी सायंकाळी होणारा हा सामना दोन्ही संघांसाठी निर्णायक ठरणार आहे; विशेषतः दिल्ली कॅपिटल्सला आपल्या प्ले-ऑफमधील प्रवेशाची आशा जिवंत ठेवण्यासाठी या सामन्यात मोठ्या विजयाची नितांत गरज आहे.

  

IPL 2026 दुसरीकडे, राजस्थान रॉयल्स आपला भक्कम फलंदाजीचा क्रम वापरून, धावांचा पाऊस पडणाèया या खेळपट्टीवर विजय मिळविण्याचा प्रयत्न करेल.

IPL 2026 या हंगामात दिल्ली कॅपिटल्सची घरच्या मैदानावरची कामगिरी निराशाजनक राहिली आहे; अरुण जेटली स्टेडियमवर खेळलेल्या सहा सामन्यांपैकी त्यांना केवळ एकाच सामन्यात विजय मिळविता आला आहे.

अलीकडच्या काळात येथील खेळपट्टी मोठ्या धावसंख्येच्या सामन्यांसाठी फारशी अनुकूल राहिलेली नाही; याचा फायदा फिरकी गोलंदाजांना मिळू शकतो व त्यामुळे सामन्यातील धावसंख्या 200 च्या खाली राहण्याची शक्यता आहे.

IPL 2026 राजस्थान रॉयल्स (11 सामन्यांत 6 विजय) आपल्या उर्वरित तीनही सामन्यांत विजय मिळवून प्ले-ऑफसाठी पात्र ठरू शकते, तर दिल्ली कॅपिटल्सला (12 सामन्यांत 5 विजय) या सामन्यात पराभवाचा सामना करावा लागल्यास, ते स्पर्धेतून अधिकृतपणे बाहेर फेकले जातील.

IPL 2026 दिल्ली संघाला अलीकडच्या काळात आपल्या फिरकी गोलंदाजी आणि वेगवान गोलंदाजी विभागामध्ये संघर्ष करावा लागत आहे. दरम्यान, राजस्थान रॉयल्सला सुद्धा गोलंदाजी विभागात अडचणींचा सामना करावा लागत आहे; विशेषतः जोफ्रा आर्चरला इतर गोलंदाजांकडून सातत्यपूर्ण साथ मिळत नसल्याचे दिसून येत आहे.

आयपीएलच्या इतिहासात दिल्ली आणि राजस्थान हे संघ आतापर्यंत 31 वेळा आमनेसामने आले आहेत. या लढतींमध्ये दिल्ली संघाने 16-15 असा निसटता विक्रम नोंदविला आहे.

IPL 2026 या हंगामाच्या सुरुवातीला जेव्हा हे दोन्ही संघ एकमेकांविरुद्ध खेळले होते, तेव्हा कॅपिटल्सने 226 धावांचे विशाल लक्ष्य यशस्वीरित्या गाठत, सात गडी राखून विजय मिळवला होता.

विशेष म्हणजे, अरुण जेटली स्टेडियमवर रॉयल्स विरुद्ध खेळताना दिल्ली संघाची कामगिरी सरस राहिली असून, या मैदानावर त्यांच्याकडे 7-3 अशी आघाडी आहे.