मोबाईलला नो, मंत्रांना हो; २ वर्षांच्या प्रिशाची कमाल!

Prishas Amazing Feat मोबाईलच्या पडद्यामध्ये रमणाऱ्या आजच्या पिढीत जयपूरमधील अवघ्या दोन वर्षांच्या एका चिमुकलीने आपल्या विलक्षण बुद्धिमत्तेमुळे सर्वांचे लक्ष वेधून घेतले आहे. प्रिशा शर्मा या चिमुकलीने इतक्या कमी वयात संस्कृत मंत्र, श्लोक आणि विविध गोष्टी लक्षात ठेवण्याची अनोखी क्षमता दाखवत आंतरराष्ट्रीय विक्रम पुस्तकात स्थान मिळवले आहे. तिच्या या कौशल्यामुळे तिला “सुपर टॅलेंटेड किड” हा सन्मानही मिळाला आहे.

 

 

अवघ्या चोवीस महिन्यांच्या वयात प्रिशाने तीसपेक्षा अधिक संस्कृत मंत्र आणि श्लोक पाठ केले आहेत. विशेष म्हणजे ती केवळ मंत्र म्हणत नाही, तर त्यांचा अर्थ समजून घेण्याचाही प्रयत्न करते. शरीराचे अनेक अवयव ओळखण्यापासून सूर्यनमस्कार करण्यापर्यंत अनेक गोष्टी ती सहजपणे करते. Prishas Amazing Feat इतकेच नव्हे तर ती शारीरिक हालचालींमध्येही चपळ असून स्वतःच्या उंचीपेक्षा जास्त उंच जाळीवर चढण्याची क्षमता तिच्यात आहे.

 

 

प्रिशाची आणखी एक खास गोष्ट म्हणजे ती मोबाईल फोनपासून दूर राहते. आजकाल लहान मुलांना जेवणापासून खेळापर्यंत प्रत्येक गोष्टीसाठी मोबाईलची सवय लावली जाते, मात्र प्रिशा स्वतःहून त्यापासून दूर राहते. Prishas Amazing Feat तिच्या मते मोबाईलकडे जास्त पाहिल्याने डोळ्यांना त्रास होतो. तिचे आई-वडील सांगतात की ती त्यांनाही मोबाईलचा कमी वापर करण्याचा सल्ला देते.

 

 

घरातील धार्मिक आणि सकारात्मक वातावरणामुळे प्रिशाच्या व्यक्तिमत्त्वावर चांगले संस्कार झाले आहेत. तिच्या घरात रोज मंत्र, स्तोत्रे आणि धार्मिक कथा यांचे वातावरण असते. Prishas Amazing Feat त्यामुळे लहानपणापासूनच तिची आवड या गोष्टींकडे वळली. कुटुंबीयांच्या मते, तिला काहीही जबरदस्तीने शिकवण्यात आले नाही, तर तिच्या स्वतःच्या जिज्ञासेमुळे ती हे सर्व शिकत गेली.

 

 

प्रिशाची ही कथा केवळ एका चिमुकलीच्या यशाची नाही, तर पालकांसाठीही एक प्रेरणा मानली जात आहे. योग्य वातावरण, चांगले संस्कार आणि कुटुंबाचा आधार मिळाल्यास लहान मुलांमध्ये किती मोठी क्षमता विकसित होऊ शकते, Prishas Amazing Feat याचे हे जिवंत उदाहरण असल्याचे अनेकजण सांगत आहेत.