आज पुन्हा शेअर बाजारात मोठी घसरण

मुंबई, 

stock market today देशांतर्गत शेअर बाजार सोमवारी पुन्हा एकदा घसरणीसह उघडला असून, सलग सुरू असलेल्या दबावामुळे गुंतवणूकदारांमध्ये चिंतेचे वातावरण आहे. आठवड्याच्या पहिल्याच दिवशी बीएसई सेन्सेक्स ४३०.०२ अंकांनी म्हणजेच ०.५७ टक्क्यांनी घसरून ७४,८०७.९७ वर उघडला. तर एनएसई निफ्टी ५० निर्देशांक १६१.३० अंकांनी म्हणजेच ०.६८ टक्क्यांनी घसरून २३,४८२.२० वर उघडला.

 

 

 

 

बाजारातील या घसरणीमागे आंतरराष्ट्रीय घडामोडींचा मोठा प्रभाव दिसून येत आहे. पश्चिम आशियातील तणावपूर्ण परिस्थिती, कच्च्या तेलाच्या किमतीत झालेली वाढ आणि रुपयाच्या मूल्यात झालेली घसरण ही प्रमुख कारणे मानली जात आहेत. मागील आठवड्यातही बाजारात मोठी घसरण झाल्याने ही नकारात्मक ट्रेंड कायम असल्याचे चित्र आहे.

सेन्सेक्समधील ३० पैकी २७ शेअर्स घसरणीसह उघडले, तर केवळ तीन शेअर्समध्ये वाढ दिसून आली. निफ्टी ५० मध्येही ५० पैकी फक्त पाच शेअर्स वाढीसह उघडले, तर उर्वरित ४५ शेअर्स घसरणीत राहिले. त्यामुळे एकूणच बाजारात विक्रीचा दबाव स्पष्टपणे दिसून आला.

सेन्सेक्स शेअर्समध्ये इन्फोसिसचा शेअर ०.३६ टक्क्यांच्या वाढीसह सर्वाधिक तेजीत राहिला. टीसीएस ०.३० टक्के आणि टेक महिंद्रा ०.२० टक्के वाढीसह उघडले. मात्र दुसरीकडे अनेक मोठ्या कंपन्यांच्या शेअर्समध्ये मोठी घसरण नोंदवली गेली.

पॉवर ग्रिडचे शेअर्स सर्वाधिक ३.६५ टक्क्यांनी घसरले. त्यानंतर स्टेट बँक ऑफ इंडिया १.६७ टक्के, एचडीएफसी बँक १.६० टक्के, अदानी पोर्ट्स १.४५ टक्के, बजाज फायनान्स १.३२ टक्के, बजाज फिनसर्व्ह १.२८ टक्के, इंडिगो १.२८ टक्के, एल अँड टी १.२४ टक्के आणि इटरनल १.२० टक्क्यांनी घसरले.

महिंद्रा अँड महिंद्रा, मारुती सुझुकी, टायटन, ट्रेंट, कोटक महिंद्रा बँक, एनटीपीसी, ॲक्सिस बँक, अल्ट्राटेक सिमेंट, आयसीआयसीआय बँक, सन फार्मा, एशियन पेंट्स, हिंदुस्थान युनिलिव्हर, एचसीएल टेक, आयटीसी आणि भारती एअरटेल यांसारख्या प्रमुख शेअर्समध्येही घसरण दिसून आली.stock market today काही शेअर्स तुलनेने स्थिर किंवा किरकोळ बदलासह उघडले, मात्र एकूण बाजारावर विक्रीचा दबाव स्पष्टपणे दिसत होता.

एकूणच जागतिक घडामोडी आणि आर्थिक अनिश्चिततेच्या पार्श्वभूमीवर शेअर बाजारातील घसरणीचा कल कायम असून, गुंतवणूकदारांमध्ये सावधगिरीचे वातावरण निर्माण झाले आहे.