४ वर्षांच्या मुलीवर बलात्कार नंतर निर्घृण हत्या

girl raped १ मे रोजी राज्यभरात महाराष्ट्र दिन उत्साहात साजरा होत असतानाच, पुण्यातून एक धक्कादायक बातमी समोर आली आहे. पुण्यातील भोर तालुक्यात एका ४ वर्षांच्या मुलीवर बलात्कार करून तिची निर्घृण हत्या करण्यात आली. हा घृणास्पद गुन्हा एका ६५ वर्षीय व्यक्तीने केला आहे. या घटनेमुळे संपूर्ण परिसरात संतापाची लाट उसळली असून, संतप्त गावकऱ्यांनी पोलीस ठाण्याला घेराव घातला आहे आणि मुलीचा मृतदेह बाहेर ठेवला आहे.

 

 

या घटनेबाबत girl raped  मिळालेल्या माहितीनुसार, ही हृदयद्रावक घटना पुण्यातील भोर तालुक्याच्या नसरापूर गावात घडली आहे, जिथे ६५ वर्षीय आरोपीने घराबाहेर खेळत असलेल्या एका निष्पाप मुलीला फसवून एका गोठ्यात नेले. तिथे त्याने तिच्यावर बलात्कार केला आणि नंतर, आपली ओळख लपवण्याच्या किंवा पकडले जाण्याच्या भीतीने, दगडाने चिरडून तिची हत्या केली. पुरावा नष्ट करण्यासाठी, आरोपीने मुलीचा मृतदेह शेणाच्या ढिगाऱ्याखाली लपवला.दुपारी बराच वेळ मुलगी न दिसल्याने तिच्या कुटुंबीयांनी तिचा शोध सुरू केला. शोधादरम्यान, तिचा मृतदेह एका गोठ्यात सापडला. त्यानंतर, परिसरातील सीसीटीव्ही फुटेज तपासण्यात आले, ज्यातून हा घृणास्पद गुन्हा उघडकीस आला.

 

 

 

 

या घटनेमुळे girl raped  संतप्त झालेल्या गावकऱ्यांनी महामार्ग अडवून 'रास्ता रोको' आंदोलन केले. आरोपीला अटक करण्याची मागणी करत पोलीस ठाण्याबाहेर मोठा जमाव जमला. त्या क्रूर माणसाला फाशी दिल्याशिवाय आम्ही येथून जाणार नाही, असे गावकऱ्यांनी जाहीर केले. न्यायाची मागणी करत गावकरी त्या निष्पाप मुलीचा मृतदेह घेऊन पोलीस ठाण्यावर पोहोचले. सध्या गावात तणावपूर्ण परिस्थिती असून, मोठा पोलीस बंदोबस्त तैनात करण्यात आला आहे.